غزہ پر اسرائیلی فوج کے بلااشتعال حملوں میں 40 سے زائد  فلسطینی شہید

گزشتہ چوبیس گھنٹوں کے دوران محصور غزہ پر اسرائیلی فوج کے بلااشتعال حملوں میں 40 سے زائد  فلسطینی شہید ہو گئے۔

غزہ کی وزارت صحت نے ایک بیان میں کہا ہے کہ گزشتہ سال 7 اکتوبر سے اسرائیلی جارحیت میں شہید ہونے والے فلسطینیوں کی تعداد چالیس ہزار سے تجاوز کر گئی ہے جبکہ بانوے ہزار چار سو سے زائد افراد زخمی ہو چکے ہیں۔

ہلاکتوں کے ساتھ ساتھ، سیٹلائٹ امیج کے تجزیے سے پتہ چلتا ہے کہ اسرائیلی جارحیت کے آغاز سے لے کر اب تک غزہ میں تقریباً ساٹھ فیصد عمارتیں تباہ یا تباہ ہوچکی ہیں۔

دریں اثناء مقبوضہ مغربی کنارے میں بلتا پناہ گزین کیمپ پر اسرائیلی ڈرون حملے میں آج دو فلسطینی شہید اور سات زخمی ہوگئے۔

مرنے والوں میں 16 ہزار 500 بچے اور گیارہ ہزار سے زائد خواتین بھی شامل ہیں جبکہ غزہ کے 2.3 ملین افراد میں سے تقریباً 85 فیصد بے گھر ہوچکے ہیں۔