پاکستان
190 ملین پاؤنڈ ریفرنس: عمران خان کی کارروائی روکنے کیلئے درخواست دائر
نیب کی ایگزیکٹو بورڈ میٹنگ کا ریکارڈ پیش نہ کیا گیا تو بانی پی ٹی آئی کے دفاع میں بھاری نقصان ہو گا، درخواست میں استدعا
![190 ملین پاؤنڈ ریفرنس: عمران خان کی کارروائی روکنے کیلئے درخواست دائر](/media/115048/conversions/ImranKhan-1280x720.jpg)
عمران خان نے 190 ملین پاؤنڈ ریفرنس کی کارروائی روکنے کی متفرق درخواست دائر کر دی۔
عمران خان کی جانب سے 190 ملین پاؤنڈ ریفرنس کی کارروائی روکنے کے لیے متفرق درخواست بیرسٹر سلمان صفدر اور خالد یوسف چوہدری نے اسلام آباد ہائیکورٹ میں دائر کی ہے۔
درخواست میں بانی چیئرمین پی ٹی آئی نے نیب کے 343 ویں ایگزیکٹو بورڈ میٹنگ کے ریکارڈ کی فراہمی کی استدعا کرتے ہوئے کہا ہے کہ اپریل 2020 کی نیب ایگزیکٹو بورڈ کی میٹنگ میں کیس بند کرنے کا فیصلہ کیا گیا تھا۔
عمران خان نے ٹرائل کورٹ کے 12 اگست کا آرڈر اسلام آباد ہائیکورٹ میں چیلنج کیا اور کہا کہ تفتیشی افسر نے بیان دیا کہ نیب کی 343 ویں بورڈ میٹنگ میں کیس بند کرنے کی منظوری دی گئی، ٹرائل کورٹ نے ایگزیکٹو بورڈ میٹنگ کا ریکارڈ طلب کرنے کی درخواست مسترد کی تھی۔
درخواست میں استدعا کی گئی ہے کہ نیب کی ایگزیکٹو بورڈ میٹنگ کا ریکارڈ پیش نہ کیا گیا تو بانی پی ٹی آئی کے دفاع میں بھاری نقصان ہو گا، تفتیشی افسر نے جرح کے دوران نیب کی 343 ویں بورڈ میٹنگ سے متعلق کچھ باتوں کا اعتراف کیا، ضروری ہے کہ نیب کی 343ویں بورڈ میٹنگ کا ریکارڈ ٹرائل کورٹ کے سامنے رکھا جائے۔
عمران خان کی درخواست میں چیئرمین نیب، ڈی جی نیب اور پراسیکیوٹر جنرل کو فریق بنایا گیا ہے۔
پاکستان
آئی جی بلوچستان تبدیل، معظم جاہ انصاری آئی جی بلوچستان مقرر
لوچستان میں دہشت گردی کے بڑھتے واقعات کے پیش نظر بلوچستان اعلی عہدوں پر تبدیلیاں کی جا رہی ہیں
![آئی جی بلوچستان تبدیل، معظم جاہ انصاری آئی جی بلوچستان مقرر](/media/116401/conversions/317230_2321891_updates-1280x720.jpg)
آئی جی بلوچستان کو تبدیل کر دیا گیا ۔
تفصیلات کے مطابق سابق آئی جی پختواہ خوا معظم جاہ انصاری آئی جی بلوچستان مقرر کردیے گئے ۔
واضح رہے کہ بلوچستان میں دہشت گردی کے بڑھتے واقعات کے پیش نظر بلوچستان اعلی عہدوں پر تبدیلیاں کی جا رہی ہیں ۔
موسم
پاکستان بھر میں سیلاب اور بارشوں سے تباہی ، 27 روز میں 245 افراد جاں بحق
نیشنل ڈیزاسٹر منیجمنٹ اتھارٹی (این ڈی ایم اے) کی رپورٹ کے مطابق پنجاب میں 92، کے پی میں 74، سندھ میں 47 ،بلوچستان میں 22، کشمیر میں 6 اور گلگت بلتستان میں 4 افراد جان کی بازی ہارے
![پاکستان بھر میں سیلاب اور بارشوں سے تباہی ، 27 روز میں 245 افراد جاں بحق](/media/116385/conversions/807119_97024028-1280x720.jpg)
ملتان میں طوفانی بارش کا 48 سال کا ریکارڈ ٹوٹ گیا ہے اور صرف 2 گھنٹے میں 147 ملی میٹر بارش ریکارڈ کی گئی۔
تفصیلات کے مطابق پاکستان بھر میں سیلاب اور بارشوں نے تباہی مچا دی، 27 روز میں 245 افراد جاں بحق اور 446 زخمی ہو گئے۔
نیشنل ڈیزاسٹر منیجمنٹ اتھارٹی (این ڈی ایم اے) نے بارشوں اور سیلاب سے ہونے والے نقصانات پر مبنی رپورٹ جاری کردی۔
نیشنل ڈیزاسٹر منیجمنٹ اتھارٹی (این ڈی ایم اے) کی رپورٹ کے مطابق پنجاب میں 92، کے پی میں 74، سندھ میں 47 ،بلوچستان میں 22، کشمیر میں 6 اور گلگت بلتستان میں 4 افراد جان کی بازی ہارے جبکہ ایک ہزار 2 مکانات مکمل اور 3475 جزوی طور پر تباہ ہوئے۔
ترجمان واسا ملتان کے مطابق اس سے قبل 134.5 ملی میٹر بارش 1976 میں ریکارڈ کی گئی تھی۔ملتان میں شدید بارش کے باعث شہر کے مختلف علاقوں بوسن روڈ، حسن پروانہ روڈ، شاہین مارکیٹ۔خانیوال روڑ۔چو کمہاراں۔واٹر ورکس روڑ۔معصوم شاہ روڑ قدیر آباد۔اور گلگشت کے علاقے میں پانی جمع ہوگیا۔
بارش کے باعث معمولات زندگی شدید متاثر ہوئے ہیں اور شہریوں کو مشکلات کا سامنا ہے۔محکمہ موسمیات کے مطابق بارش کا سلسلہ آئندہ چند روز تک جاری رہیگا۔ڈپٹی کمشنر ملتان کے مطابق ضلع بھر میں رین ایمرجنسی نافذ کردی گئی ہے، شہری احتیاطی تدابیر اختیارکریں۔ملتان میں رواں مون سون بارشوں کا سلسلہ جوبن پر ہے 27 اگست منگل کو ہونی والی طوفانی بارش نے 48 سالہ ریکارڈ توڑ دیا اور گزشتہ روز شب ساڑھے 8 بجے تک سب سے زیادہ بارش چونگی نمبر 9 ڈسپوزل اسٹیشن پر 172 ملی میٹر ریکارڈ کی گئی جبکہ 1976 میں ملتان میں سب سے زیادہ ریکارڈ 134.5 ملی میٹر تھا منگل کے روز طوفانی بارش کا سلسلہ شروع ہوتے ہی وزیر اعلی پنجاب مریم نواز شریف کے ویژن کے مطابق کمشنر ملتان ڈویژن مریم خان، ڈپٹی کمشنر وسیم حامد سندھو اور ڈی جی ایم ڈی اے رانا سلیم احمد کی ہدایت پر بارش کے پانی کی نکاسی کیلئے واسا میں رین ایمرجنسی نافذ کر دی گئی منیجنگ ڈائریکٹر واسا خالد رضا خان نے ہائی الرٹ جاری کرتے ہوئے تمام سیوریج، ڈسپوزل اسٹیشن ڈویژنوں کے افسران، فیلڈ سٹاف کو ہنگامی بنیادوں پر طلب کرکے شہر بھر کے مختلف علاقوں میں نکاسی آب کے لیے آپریشن شروع کردیا گیا ۔
منیجنگ ڈائریکٹر واسا نے تمام ڈسپوزل اسٹیشنز کو فل کیپسٹی پر چلانے کی ہدایت کی اور انہوں نے لمحہ بہ لمحہ شہر بھر میں نکاسی آب کے جاری آپریشن کی مانیٹرنگ کی اس دوران ڈپٹی کمشنر وسیم حامد سندھو اور ڈائریکٹر جنرل ایم ڈی اے رانا سلیم احمد نے شہر کے مختلف علاقوں کا دورہ کر کے نکاسی آب کے انتظامات کا معائنہ کیا اور واسا کو نکاسی آب کا سلسلہ تیز کرنے اور تمام وسائل بروئے کار لانے کا حکم دیا انہوں نے شہر کے مختلف مقامات کے نشیبی ایریاز میں متعلقہ سیوریج سب ڈویژن کو ترجیحی بنیادوں پر مشینری کے ذریعے بارش کا پانی کلیئر کرنے کا بھی حکم دیا منیجنگ ڈائریکٹر واسا نے چونگی نمبر 9،سمیجہ آباد،انڈر بائی پاس ڈسپوزل اسٹیشنز سمیت شہر کے مختلف علاقوں کا دورہ کرکے ڈسپوزل اسٹیشنز اسٹیشن کی ورکنگ اور شاہراں سے بارش کے پانی کی نکاسی کا جائزہ لیا اس دوران انہوں نے ڈسپوزل اسٹیشن پر بجلی کی لوڈ شیڈنگ کا نوٹس لیتے ہوئے ڈپٹی ڈائریکٹر کو میپکو حکام سے فوری رابطہ کرکے بجلی بحال کروانے اور ڈسپوزل اسٹیشن کو جنریٹر پر چلانے کا حکم دیا اس دوران ڈائریکٹر ورکس عارف عباس نے ایم ڈی واسا کو ڈسپوزل اسٹیشنوں پر ریکارڈ کی گئی بارش سے متعلق رپورٹ بھی پیش کی رپورٹ کے مطابق سب سے زیادہ بارش چونگی نمبر 9 ڈسپوزل اسٹیشن پر 172 ملی میٹر،کڑی جمنداں ڈسپوزل اسٹیشن پر 137 ملی میٹر،, پرانا شجاع آباد روڈ ڈسپوزل اسٹیشن پر 90 ملی میٹربارش ریکارڈ کی گء جبکہ بارش کا سلسلہ رات تک جاری رہا اس دوران ایم ڈی واسا خالد رضا خان نے تمام سیوریج افسران کو شاہراوں کے ساتھ ساتھ نشیبی علاقوں سے بھی بارش کے پانی کو بروقت نکالنے کے لیے تمام وسائل بروئے کار لانے کی ہدایت کی اور انہوں نے تمام افسران کو مزید بارش کی پیشگوئی کے سلسلے میں الرٹ رہنے اور اپنی اپنی حدود میں نکاسی آب کی شکایات کا فوری ازالہ کرنے کا حکم دیا انہوں نے بارش کے پانی کی نکاسی کے سلسلے میں کمشنر ملتان ڈویژن،ڈپٹی کمشنر اور ڈائریکٹر جنرل ایم ڈی اے کو لمحہ بہ لمحہ رپورٹ پیش کی انہوں نے تمام سیوریج اور ڈسپوزل اسٹیشن ڈویژنوں کے آفسران اور سٹاف کو بارش کے پانی کا آپریشن مکمل ہونے تک فیلڈ میں حاضری کو یقینی بنانے کا بھی حکم دیا۔
پاکستان
پرویز الہٰی سمیت اہل خانہ کے نام پی سی ایل سے نکلوانے کے لیے درخواست دائر
پرویز الہیٰ فیملی کے ہمراہ عمرہ کی ادائیگی کےلئے جانا چاہتے ہیں، درخواست
![پرویز الہٰی سمیت اہل خانہ کے نام پی سی ایل سے نکلوانے کے لیے درخواست دائر](/media/116378/conversions/744980_46224933-1280x720.jpg)
سابق وزیر اعلیٰ پنجاب پرویز الہٰی، راسخ الہٰی اور زارا الہٰی نے اپنے نام پاسپورٹ کنٹرول لسٹ سے نکلوانے کے لیے لاہور ہائیکورٹ میں درخواست دائر کر دی۔
درخواست میں وزرات داخلہ کو بذریعہ سیکریٹری اور ایف آئی اے سمیت دیگر کو فریق بنایا گیا ہے۔
درخواست میں موقف اپنایا ہے کہ پرویز الہٰی پر درج مقدمات کی عدالتوں سے ضمانتیں منظور ہوچکی ہیں جبکہ 20 ستمبر سے 5 اکتوبر تک عمرہ اور برطانیہ کے لیے جانا چاہتا ہوں، پرویز الہٰی سمیت دیگر کے نام پاسپورٹ کنٹرول لسٹ میں ہونے کے باعث بنیادی حقوق کی خلاف ورزی ہو رہی ہے۔
استدعا کی گئی ہے کہ عدالت پاسپورٹ کنٹرول لسٹ میں نام ڈالنے کے اقدام کو کالعدم قرار دیتے ہوئے لسٹ سے ناموں کو نکالنے کا حکم دے۔
-
تجارت 2 دن پہلے
انٹربینک مارکیٹ میں ڈالر کی قیمت میں 8 پیسے کمی
-
پاکستان ایک دن پہلے
الیکشن کمیشن کا این اے 79 گوجرانوالہ میں ووٹو ں کی دوبارہ گنتی کا حکم
-
علاقائی 9 گھنٹے پہلے
ڈرائیونگ لائسنس کے حصول کیلئے بڑا ریلیف
-
پاکستان 3 گھنٹے پہلے
ن لیگ آزاد کشمیر کے سینئر رہنما وزیر چوہدری محمد عزیز انتقال کر گئے
-
پاکستان 2 دن پہلے
منی لانڈرنگ کیس،عدالتی احکامات پر پی ٹی آئی رہنما مونس الٰہی کا شناختی کارڈ بلاک
-
علاقائی ایک دن پہلے
سندھ میں مفرور اساتذہ کیخلاف کریک ڈاؤن، نوکریوں سے برطرفی کا فیصلہ
-
پاکستان ایک دن پہلے
پی ٹی آئی میں اختلاف شدت اختیار کر گئے، عاطف خان اور شیر علی عہدوں سے فارغ
-
کھیل 7 گھنٹے پہلے
پی ایف ایف میں بڑی تبدیلی، 22 افراد پر تاحیات پابندی