مسلم لیگ ن کے صدر اور سابق وزیر اعظم نواز شریف نے کہا کہ مجھے معلوم ہے کہ عوام کس کرب سے گزر رہے ہیں جب ہم نےحکومت سنبھالی توملک ڈیفالٹ کے قریب تھا۔

مریم نواز کے ہمراہ نیوز کانفرس کرتے ہوئے انہوں نے کہا کہ معلوم ہےعوام مہنگائی،بجلی کے زیادہ بلوں سے پریشان ہے۔ 21 اکتوبرمینارپاکستان جلسے میں بجلی بلوں پرکافی گفتگوکی تھی۔ مہنگائی کے ذمہ دار ہم نہیں یہ سب بانی پی ٹی آئی کے زمانے سے شروع ہوا۔  ملک کو ان حالات میں پہنچانے والوں سے پوچھنے والا کوئی نہیں۔

نوازشریف نے کہا کہ میرے زمانے میں بجلی کا بل کتنا تھا اورآج کس قدربڑھ گیا ہے، ہمارے دورمیں بجلی کےبل بہت کم آتے تھے، ہمارے دورمیں آمدنی اخراجات سے زیادہ تھین لیگ کےپیچھلے دورمیں 10، 10 روپے کلو سبزیاں بھی ملتی تھیں۔

صدرمسلم لیگ ن نے کہا کہ 2013میں ہم نےمعیشت کوٹھیک کیا، ماضی کےاخباردیکھ لیں توکہا جاتا تھا پاکستان معاشی قوت بننے والا ہے۔ 2013 کی ن لیگ دور میں ہم ڈالر کو 95 روپے پر لیکر آئے تھے، ڈالر 104 روپے 4 سال تک رکھاجب تک مجھے نکال نہیں دیا گیا۔

ان کا مزید کہنا تھا کہ اپنے بیٹےحسن سے 10 ہزار درہم تنخواہ نہیں لینے پرمجھے نکالا گیا، چند ججز نے مجھے اس لیے نکالا کہ میں نے اپنے بیٹے حسن سے تنخواہ نہیں لی۔ میں آج بھی کہتا ہوں مجھے کیوں نکالا؟

پریس کانفرس کے دوران انہوں نے اس بار کا بھی اعلان کیا کہ مریم نوازسولرپینل اسکیم بھی لارہی ہیں۔ پنجاب حکومت نے سولراسکیم کیلئے 700 ارب روپے رکھے ہیں۔پنجاب کے 500 یونٹ والے صارفین کو یہ ریلیف دیا جائے گا، پنجاب حکومت نےاگست اورستمبرکے بلوں میں فوری ریلیف دینےکا فیصلہ کیا۔

ان کا کہنا تھا کہ عوام کی تکالیف کومحسوس کررہا ہوں، باربارمیرا ذہن 2017کی طرف جاتا ہے، 2017میں مہنگائی کا نام ونشان نہیں اوربجلی کےبل انتہائی کم تھے،2013 میں ہم نے معیشت کو ٹھیک کیا، ہمارے زمانے میں 10،10روپے کلو سبزیاں ملتی تھیں۔

نوازشریف نے کہا کہ میں آج بھی کہتا ہوں کہ مجھے کیوں نکالا؟ ان کو یہ بات مذاق لگتی ہے ، مجھے نکالنے کی کوئی مناسب وجہ تو بتاتے، مجھے اس لیے نکالا کہ بیٹے سے تنخواہ نہیں لی ، مجھے نکالنے والے ججز سے کسی نے نہیں پوچھا۔

اس ملک میں آئی ایم ایف کو کون لایا؟ جیل میں بیٹھ کر بڑی بڑی باتیں کرنے والا آئی ایم ایف کو دوبارہ لایا، مریم اور شہبازشریف کو کہتا ہوں کہ مہنگائی کا طوفان ختم کریں ، میرے دور میں ڈالر 104روپے کا تھا، مریم نے گندم ، آٹے کی قیت کو کم کیا۔

صدر ن لیگ کا کہنا تھا کہ ہم نے بجلی کی لوڈشیڈنگ کا خاتمہ کیا ، چین کے تعاون سے ہماری حکومت نےنئےبجلی کےکارخانےلگائے، یہ مہنگائی بانی پی ٹی آئی کے دور سے شروع ہوئی ، مریم نواز بھی دن رات عوام کی خدمت کا سوچتی ہیں۔