وزیراعظم کی تاجک وزیر ِثقافت سےملاقات، تجارت، توانائی سمیت کثیرالجہتی تعاون بڑھانے کے عزم کا اعادہ
تاجک وزیر ثقافت نے فنکاروں کے تبادلے، ثقافتی تہواروں اور نمائشوں سمیت مشترکہ ثقافتی سرگرمیوں کے فروغ میں تاجکستان کی گہری دلچسپی کا اظہار کیا


اسلام آباد: وزیراعظم محمد شہباز شریف سے جمہوریہ تاجکستان کی وزیر ثقافت محترمہ ستاریون متلوبخون امان زادہ نے آج وزیراعظم ہاؤس میں ملاقات کی، جس میں دو طرفہ تعاون ، تجارت، توانائی سمیت کثیرالجہتی تعاون بڑھانے کے عزم کا اعادہ کیا گیا۔
ملاقات میں نائب وزیراعظم اور وزیر خارجہ سینیٹر محمد اسحاق ڈار، وفاقی وزیر اطلاعات و نشریات عطا اللہ تارڑ، وفاقی وزیر قومی ورثہ و ثقافت اورنگزیب کھچی اور معاون خصوصی سید طارق فاطمی بھی موجود تھے۔
وزیراعظم نے پاکستان کے دورے پر آئے ہوئے تاجک وزیر اور ان کے وفد کا پرتپاک استقبال کرتے ہوئے کہا کہ پاکستان اور تاجکستان کے درمیان گہرے تاریخی، ثقافتی اور تہذیبی روابط موجود ہیں جو دونوں ممالک کے عوام کے درمیان تعلقات کو مزید مضبوط بنانے کے لیے ایک مستحکم بنیاد فراہم کرتے ہیں۔
دوران ملاقات وزیر اعظم شہباز شریف نے دوطرفہ تعلقات میں جاری مثبت پیش رفت پر اطمینان کا اظہار کیا اور ثقافت کے شعبے میں تعاون کو مزید وسعت دینے پر زور دیا۔
ملاقات کے دوران وزیراعظم نے اسلام آباد میں جاری پاکستان تاجکستان ثقافتی ہفتہ کو دونوں ممالک کی شاندار روایات، فنون اور ثقافتی ورثے کے فروغ کے لیے ایک تاریخی اقدام قرار دیا۔
انہوں نے کہا کہ اس طرح کے ثقافتی تبادلے باہمی افہام و تفہیم کو فروغ دینے کے ساتھ ساتھ پاکستان اور تاجکستان کے عوام کے درمیان دوستی کو مزید مضبوط کریں گے۔
وزیراعظم نے تجارت، رابطہ کاری، توانائی اور ثقافت سمیت مختلف شعبوں میں تاجکستان کے ساتھ کثیر جہتی تعاون بڑھانے کے لیے پاکستان کے پختہ عزم کا اعادہ کیا۔
انہوں نے تاجک صدر امام علی رحمان کے لیے نیک تمناؤں کا اظہار کیا اور امید ظاہر کی کہ وہ آئندہ برس پاکستان کا سرکاری دورہ کریں گے۔
اس مو قع پر تاجک وزیر ثقافت نے وزیراعظم کو صدر امام علی رحمان کی جانب سے نیک خواہشات پہنچائیں اور پاکستان کی مہمان نوازی اور ثقافتی سفارت کاری کے عزم کو سراہا۔
تاجک وزیر ثقافت نے فنکاروں کے تبادلے، ثقافتی تہواروں اور نمائشوں سمیت مشترکہ ثقافتی سرگرمیوں کے فروغ میں تاجکستان کی گہری دلچسپی کا اظہار کیا۔
واضح رہے کہ تاجک صدر امام علی رحمان اور وزیراعظم محمد شہباز شریف کے درمیان پاکستان میں تاجکستان کا ثقافتی ہفتہ منانے پر اتفاق ہوا تھا، جس کے تحت تاجکستان کی وزیر ثقافت اس وقت پاکستان کے دورے پر ہیں۔

پیٹرول اور ڈیزل کی قیمتوں میں کمی کا اعلان
- 14 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 12 days ago
پہلے ایل پی جی اوراب بجلی بم گرا دیا گیا
- 13 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 11 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 13 days ago

پولیس افسران کی ترقیوں کے خلاف پنجاب حکومت کی اپیلیں خارج
- 13 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 13 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 11 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 12 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 14 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 13 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 13 days ago



