گورنر پنجاب کی جانب سے ارشد ندیم کو 20 لاکھ روپے اور گاڑی کا انعام

لاہور :گولڈ میڈلسٹ ارشد ندیم کو گورنر پنجاب سردار سلیم حیدر خان نے 20 لاکھ روپے کے نقد انعام اور ایک گاڑی سے نوازا ہے۔ گورنر ہاؤس میں منعقدہ ایک تقریب میں ارشد ندیم کو یہ انعام دیا گیا۔

گولڈ میڈلسٹ ارشد ندیم کا گورنر ہاؤس پنجاب میں سلیم حیدر خان نے استقبال کیا۔اس موقع پر گفتگو کرتے ہوئے سلیم حیدر خان نے کہا کہ ارشد ندیم کو گورنر ہاؤس میں خوش آمدید کہتا ہوں، ان کی کامیابی پر پوری قوم جشن منا رہی ہے۔ 

اس موقع پر خطاب کرتے ہوئے گورنر پنجاب سلیم حیدر خان نے کہا کہ ارشد ندیم نے نہ صرف پاکستان بلکہ پورے خطے کا نام روشن کیا ہے۔ ان کی کامیابی پر پوری قوم فخر کر رہی ہے۔

گورنر پنجاب نے گولڈمیڈلسٹ ارشد ندیم کولاکھوں روپےکے
چیک ،گاڑی اور پلاٹ انعام میں دے دئیے!دیکھیے تاریخی ویڈیو#GNN #BreakingNews #NewsUpdates #GNN_Updates #arshadnadeem pic.twitter.com/o3vWGGVd7a

— GNN (@gnnhdofficial) August 17, 2024

گورنر نے کہا کہ ارشد ندیم کی مثال دیگر نوجوانوں کے لیے ایک مشعل راہ ہے اور انہیں امید ہے کہ وہ مزید کامیابیاں حاصل کریں گے۔

ارشد ندیم نے اس موقع پر گورنر پنجاب اور پوری قوم کا شکریہ ادا کیا اور کہا کہ انہیں اس بات پر فخر ہے کہ وہ پاکستان کا نمائندہ ہیں۔ انہوں نے کہا کہ مستقبل میں بھی ملک کے لیے مزید کامیابیاں حاصل کرنے کی کوشش کریں گے۔کسی بھی کھلاڑی کے لیے قوم کی طرف سے ملنے والی عزت سب سے بڑا اعزاز ہے۔