اسرائیلی فوج کا لبنان میں رہائشی عمارت پر حملہ، 2 بچوں سمیت 10افراد شہید

اسرائیلی فوج نے لبنان میں رہائشی عمارت پر حملہ کیا  جس کے نتیجے میں بچوں سمیت 10افراد جاں بحق ہوگئے۔  

غیر ملکی خبر رساں ایجنسی کے مطابق  اسرائیل فوج نے ہفتے کے روز جنوبی لبنان کے شہر میں ایک رہائشی عمارت پر فضائی حملہ کیا جس کے نتیجے میں 2 بچوں سمیت 10 افراد جاں بحق اور 5 زخمی ہوئے۔

رپورٹس کے مطابق اسرائیلی حملے میں جاں بحق ہونے والے افراد کا تعلق شام سے تھا جبکہ زخمیوں کی حالت تشویشناک ہونے کے سبب ہلاکتوں میں اضافے کا خدشہ ہے۔ مقامی حکام کی جانب سے فوری طور پر جاں بحق افراد کی شناخت ظاہر نہیں کی گئی ہے۔

دوسری جانب اسرائیلی فوج نے دعویٰ کیا ہےکہ علاقے میں حزب اللہ کے اسلحہ ڈپو کو نشانہ بنایا گیا ہے۔