اسلام آباد: وفاقی حکومت نے اسلام آباد کے بلدیاتی قانون میں ترمیم کا فیصلہ کرلیا۔

میڈیا ذرائع کے مطابق قومی اسمبلی اور سینیٹ کے بلائے گئے اجلاس میں اسلام آباد کے بلدیاتی قانون میں ترمیم کے لیے قانون سازی کا فیصلہ کیا گیا ہے۔

ذرائع نے بتایا کہ اسلام آباد کے بلدیاتی اداروں کے ڈھانچے میں تبدیلی کے لیے ترمیم کی جائے گی، قانون سازی کے بعد اسلام آباد کے بلدیاتی انتخابات موخر ہونے کا خدشہ ہے۔

ذرائع نے مزید کہا کہ الیکشن کمیشن اسلام آباد کے بلدیاتی انتخابات کا شیڈول جاری کرچکا ہے، اسلام آباد کے بلدیاتی انتخابات کے لیے کاغذات نامزدگی جمع ہونے کا سلسلہ جاری ہے۔

مشہور کینیڈین گلوکار جسٹن بیبر اور ان کی اہلیہ ہیلی بالڈوین کے گھر ننھے مہمان کی آمد ہوئی ہے۔

جسٹن بیبر نے اس خوشی کی خبر انسٹاگرام پر شیئر کرتے ہوئے اپنے مداحوں کو بتایا کہ ان کے گھر ننھا مہمان آیا ہے۔ انہوں نے اپنے نومولود بیٹے کے پاؤں کی ایک دلکش تصویر شیئر کی اور لکھاکہ ہمارے گھر میں خوش آمدید، بیٹے۔

جسٹن بیبر اور ان کی اہلیہ ہیلی بالڈوین نے اپنے بیٹے کا نام جیک بلیوز بیبر رکھا ہے۔ 

واضح رہے کہ کینیڈین گلوکار جسٹن بیبر نے امریکی ماڈل ہیلی سے 2018 میں شادی کی تھی ،ان کی شادی کے 6 سال بعد ان کے گھر بیٹے کی پیدائش ہوئی ہے ۔

جسٹن بیبر کے مداحوں نے اس خوشی کی خبر پر انہیں مبارکباد دی ہے اور نئے والدین کو نیک تمناؤں کے پیغامات بھیجے ہیں۔ 

بنگلہ دیش کے جنوب مشرق میں شدید بارشوں اور ندی نالوں میں طغیانی  سے پیدا ہونے والے سیلاب سے ایک شخص ہلاک گیا، جبکہ  30 ​​لاکھ افراد محصور ہو کر رہ گئے۔

تیس لاکھ افراد سیلاب کی وجہ سے پھنسے ہوئے  ہیں تو بتایا گیا  ہے کہ ایک حاملہ خاتون سیلابی پانی میں بہہ کر جان کی بازی ہار گئی۔

ڈیلی سٹار اخبار کے مطابق گزشتہ روز سے 8  علاقوں میں موسلادھار بارش کا سلسلہ جاری ہے۔

فینی اور نواکھلی سیلاب سے سب سے زیادہ متاثر ہونے والے علاقوں کے طور پر ریکارڈ کیا گیا ہے تو  کچھ علاقوں میں بجلی  کی ترسیل منقطع رہی۔

مقامی باشندوں کا کہنا ہے کہ 1988 کے بعد اتنی شدید بارشیں نہیں دیکھی گئی تھیں اور "گزشتہ 37 سالوں کی بدترین سیلابی تباہی  ہوئی ہے۔"