موسم
سندھ میں موسلادھار بارشوں کی پیشگوئی، سیلاب کا خطرہ
اس شدید بارش سے نشیبی علاقوں میں پانی جمع ہونے کا خطرہ ہے جس سے سیلابی صورتحال پیدا ہو سکتی ہے، محکمہ موسمیات
![سندھ میں موسلادھار بارشوں کی پیشگوئی، سیلاب کا خطرہ](/media/115222/conversions/flood-3-1280x720.jpg)
کراچی : محکمہ موسمیات نے سندھ بھر میں آئندہ 72 گھنٹوں کے دوران موسلادھار بارشوں کی پیشگوئی کرتے ہوئے سیلاب کا خطرہ ظاہر کیا ہے۔
موسمیاتی ماہرین کا کہنا ہے کہ طاقتور مون سون ہواؤں کا ایک سلسلہ بلوچستان کے شمال وسطی، مشرقی اور شمال مشرقی علاقوں کو متاثر کر رہا ہے جس کی وجہ سے سندھ میں شدید بارشوں کا سلسلہ جاری ہے۔
محکمہ موسمیات کی جاری کردہ ایڈوائزری کے مطابق گھوٹکی، سکھر، خیرپور، کشمور، جیکب آباد، شکارپور، لاڑکانہ، قمبر، شہداد کوٹ، نوشہرہ فیروز، شہید بینظیر آباد، میرپورخاص، عمرکوٹ، سانگھڑ، جامشورو اور دادو میں وقفے وقفے سے گرج چمک کے ساتھ بارش کی پیشگوئی کی گئی ہے۔ اس کے علاوہ تھرپارکر، ٹھٹھہ، بدین، حیدرآباد، میاری، ٹنڈ اور محمد خان، کنڈ اور امیار، سجاول کے اضلاع میں بھی بارش کا امکان ہے۔ کراچی میں آندھی کے ساتھ بارش کی پیشگوئی کی گئی ہے۔
ماہرین کا کہنا ہے کہ اس شدید بارش سے نشیبی علاقوں میں پانی جمع ہونے کا خطرہ ہے جس سے سیلابی صورتحال پیدا ہو سکتی ہے۔ اس کے علاوہ بارش، تیز ہواؤں اور آسمانی بجلی کی وجہ سے کچے مکانات کو نقصان پہنچ سکتا ہے۔ بجلی کے کھمبوں، بل بورڈز اور گاڑیوں کو بھی نقصان پہنچنے کا خطرہ ہے۔
محکمہ موسمیات نے متعلقہ حکام کو ہنگامی صورتحال سے نمٹنے کے لیے الرٹ رہنے کی ہدایت کی ہے۔ کسانوں کو مشورہ دیا گیا ہے کہ وہ موسم کی پیشگوئی کو مدنظر رکھتے ہوئے اپنی فصلوں کا خیال رکھیں۔
کراچی میں اگلے تین دنوں کے دوران موسم زیادہ تر ابر آلود رہنے کا امکان ہے۔ اس دوران گرج چمک کے ساتھ بارش کا امکان ہے۔ شہر کا زیادہ سے زیادہ درجہ حرارت 30 سے 32 ڈگری سینٹی گریڈ تک رہے گا۔
علاقائی
پشین میں پولیس لائن کے قریب دھماکا،2 بچے جاں بحق،متعددزخمی
دھماکے میں 12 افراد زخمی،لاشوں زخمیوں کو قریبی ہسپتال منتقل کر دیا گیا
![پشین میں پولیس لائن کے قریب دھماکا،2 بچے جاں بحق،متعددزخمی](/media/115871/conversions/Edhi-1280x720.jpg)
پشین : بلوچستان کے ضلع پشین میں پولیس لائن کے قریب ایک زوردار دھماکا ہوا ہے جس کے نتیجے میں کم از کم دو بچے جاں بحق اور پانچ پولیس اہلکاروں سمیت بارہ افراد زخمی ہو گئے ہیں۔
ابتدائی اطلاعات کے مطابق دھماکا پشین بازار کے قریب پیش آیا۔ دھماکے کی شدت اتنی زیادہ تھی کہ اس سے متعدد گاڑیاں اور موٹرسائکلیں بھی تباہ ہو گئیں۔
پولیس اور ریسکیو اہلکاروں نے موقع پر پہنچ کر لاشوں اور زخمیوں کو قریبی ہسپتال منتقل کر دیا ہے۔ تاہم بعض زخمیوں کی حالت تشویش ناک بتائی جا رہی ہے جس کے باعث ہلاکتوں میں اضافے کا اندیشہ ہے۔
پشین میں پولیس لاین کے قریب دھماکا#GNN #BreakingNews #NewsUpdates #GNN_Updates pic.twitter.com/8iphM9onWg
— GNN (@gnnhdofficial) August 24, 2024
پولیس حکام کے مطابق دھماکے کی نوعیت ابھی تک معلوم نہیں ہو سکی اور اس حوالے سے تحقیقات جاری ہیں۔ پولیس نے علاقے کو گھیرے میں لے لیا ہے اور مشتبہ افراد کی تلاش شروع کر دی ہے۔
پاکستان
پاک فوج کا کامیاب ریسکیو آپریشن: 7کوہ پیماؤں کو بچا لیا
کوہ پیما ئی ٹیم 20,100 فٹ کی بلند چوٹی پر چڑھائی کے دوران شدید موسمی حالات اور ہائی ایلٹیٹیوڈ سکنس کا شکار ہوگئی تھی
![پاک فوج کا کامیاب ریسکیو آپریشن: 7کوہ پیماؤں کو بچا لیا](/media/115922/conversions/baltoroglacier-1280x720.jpg)
گلگت بلتستان:پاک فوج نے ایک بار پھر اپنی بہادری اور پیشہ ورانہ مہارت کا مظاہرہ کرتے ہوئے گلگت بلتستان کے ایک دشوار گزار علاقے میں پھنسے 7کوہ پیماؤں کو کامیابی سے بچا لیا ہے۔
تفصیلات کے مطابق ایک بین الاقوامی کوہ پیمائی ٹیم جو تین روسی اور چار پاکستانی کوہ پیماؤں پر مشتمل تھی، 20,100 فٹ کی بلند چوٹی پر چڑھائی کے دوران شدید موسمی حالات اور ہائی ایلٹیٹیوڈ سکنس کا شکار ہوگئی۔ شدید برفباری اور تیز ہواؤں کی وجہ سے یہ کوہ پیما اپنی جان بچانے کے لیے شدید مشکلات کا سامنا کر رہے تھے۔
اس خطرناک صورتحال کا نوٹس لیتے ہوئے متاثرہ کوہ پیماؤں نے فوری طور پر پاک فوج سے مدد کی درخواست کی۔ پاک فوج نے بغیر کسی تاخیر کے ایک ریسکیو آپریشن شروع کیا اور ہیلی کاپٹرز کے ذریعے متاثرہ علاقے میں پہنچ کر کوہ پیماؤں کو محفوظ مقام پر منتقل کر لیا۔
ریسکیو آپریشن میں شامل پاک فوج کے اہلکاروں نے انتہائی مشکل حالات میں اپنی جان کی پرواہ کیے بغیر اس آپریشن کو کامیاب بنایا۔ تمام کوہ پیماؤں کو طبی امداد فراہم کی گئی ۔ اس کامیاب ریسکیو آپریشن پر تمام کوہ پیماؤں نے پاک فوج کا شکریہ ادا کیا ۔
پاکستان
اسلام آباد : بلدیاتی الیکشن مؤخر ہونے کا خطرہ
ذرائع نے بتایا کہ اسلام آباد کے بلدیاتی اداروں کے ڈھانچے میں تبدیلی کے لیے ترمیم کی جائے گی، قانون سازی کے بعد اسلام آباد کے بلدیاتی انتخابات موخر ہونے کا خدشہ ہے
![اسلام آباد : بلدیاتی الیکشن مؤخر ہونے کا خطرہ](/media/115946/conversions/311113_6142213_updates-1280x720.jpg)
اسلام آباد: وفاقی حکومت نے اسلام آباد کے بلدیاتی قانون میں ترمیم کا فیصلہ کرلیا۔
میڈیا ذرائع کے مطابق قومی اسمبلی اور سینیٹ کے بلائے گئے اجلاس میں اسلام آباد کے بلدیاتی قانون میں ترمیم کے لیے قانون سازی کا فیصلہ کیا گیا ہے۔
ذرائع نے بتایا کہ اسلام آباد کے بلدیاتی اداروں کے ڈھانچے میں تبدیلی کے لیے ترمیم کی جائے گی، قانون سازی کے بعد اسلام آباد کے بلدیاتی انتخابات موخر ہونے کا خدشہ ہے۔
ذرائع نے مزید کہا کہ الیکشن کمیشن اسلام آباد کے بلدیاتی انتخابات کا شیڈول جاری کرچکا ہے، اسلام آباد کے بلدیاتی انتخابات کے لیے کاغذات نامزدگی جمع ہونے کا سلسلہ جاری ہے۔
-
پاکستان 2 دن پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
پاکستان ایک دن پہلے
فیڈرل بورڈ : انٹرمیڈیٹ کے سالانہ امتحانات کے نتائج کا اعلان
-
علاقائی ایک دن پہلے
سرگودھا : موٹر وے پر 4 کار سوار پر اسرار طور پر ہلاک
-
تجارت 2 دن پہلے
رواں سال دسمبر تک تمام کرنسی نوٹوں کو تبدیل کرنے کا فیصلہ
-
پاکستان 2 دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
دنیا 20 گھنٹے پہلے
نیپال کے صوبہ گنداکی میں بھارتی مسافر بس الٹنے سے 14 افراد ہلاک
-
تجارت ایک دن پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان
-
تجارت 4 گھنٹے پہلے
سونے کی اُڑان ،نئی تاریخ رقم!