گھوٹکی خوفناک سڑک حادثے میں 8 افراد جاں بحق

گھوٹکی میں پیر کو خوفناک سڑک حادثے میں 8 افراد جاں بحق اور 10 زخمی ہوگئے۔

پولیس کے مطابق مانسہرہ سے کراچی جانے والی تیز رفتار مسافر بس سکھر ملتان موٹروے پر ٹریلر سے ٹکرا گئی۔

لاشوں اور زخمیوں کو طبی امداد کے لیے تحصیل اسپتال گھوٹکی منتقل کر دیا گیا۔

دریں اثناء گورنر سندھ کامران خان ٹیسوری اور وزیراعلیٰ سندھ سید مراد علی شاہ نے واقعے میں قیمتی جانوں کے ضیاع پر افسوس کا اظہار کرتے ہوئے متعلقہ حکام کو زخمیوں کو صحت کی بہترین سہولیات فراہم کرنے کی ہدایت کی ہے۔