تجارت
پاکستان اسٹاک مارکیٹ میں تیزی کا سلسلہ جاری
100 انڈیکس میں 617 پوائنٹس کا اضافہ، انڈیکس 78 ہزار 877 پوائنٹس کی سطح پر پہنچ گیا
![پاکستان اسٹاک مارکیٹ میں تیزی کا سلسلہ جاری](/media/115664/conversions/stock-1280x720.jpg)
لاہور :پاکستان اسٹاک ایکسچینج میں کاروبار کا آغاز ایک بار پھر مثبت رہا ہے اور 100 انڈیکس میں 617 پوائنٹس کا اضافہ ہوا ہے۔ انڈیکس 78 ہزار 877 پوائنٹس کی سطح پر پہنچ گیا جو کہ ایک اہم سنگ میل ہے۔
گزشتہ روز بھی اسٹاک مارکیٹ میں مثبت رجحان دیکھا گیا تھا اور 100 انڈیکس 695 پوائنٹس کے اضافے سے 78 ہزار 569 پوائنٹس پر بند ہوا تھا۔ یہ مسلسل دوسرا دن ہے جب مارکیٹ میں اتنی بڑی تیزی دیکھی جا رہی ہے۔
اسٹاک مارکیٹ میں صرف انڈیکس ہی نہیں بلکہ کاروباری حجم میں بھی اضافہ ہونے کا امکان ہے۔
اس حوالے سے مالیاتی ماہرین کا کہنا ہے کہ اسٹاک مارکیٹ میں یہ تیزی مختلف عوامل کی وجہ سے ہے۔ ان میں حکومت کی جانب سے اقتصادی اصلاحات، عالمی سطح پر خام تیل کی قیمتوں میں کمی اور سرمایہ کاروں کی جانب سے ملک کی مستقبل کی پیش گوئی پر اعتماد شامل ہیں۔
دنیا
اسرائیلی فورسز کے حملوں کا سلسلہ نہ رک سکا، مزید 27 فلسطینی شہید
شمالی غزہ کے قصبے بیت لاہیا میں ایک گھر پر اسرائیلی حملے کے نتیجے میں 11 افراد شہید ہوئے، ان 11 افراد میں بچے اور خواتین بھی شامل تھیں
![اسرائیلی فورسز کے حملوں کا سلسلہ نہ رک سکا، مزید 27 فلسطینی شہید](/media/115761/conversions/Gaza-1280x720.jpg)
اسرائیلی فورسز کی جانب سے وسطی اور جنوبی غزہ کے علاقوں میں حملوںکا سلسلہ نہ رکا، کارروائیوں کے نتیجے میں مزید 27 فلسطینی شہید ہو گئے ہیں۔
میڈیا رپورٹ کےمطابق یہ کارروائیاں امریکی صدر جو بائیڈن کے اسرائیلی وزیراعظم بنجمن نیتن یاہو پر غزہ میں جنگ بندی اور قیدیوں کی رہائی کے لیے ایک معاہدے تک پہنچنے کے لیے دباؤ ڈالنے کے چند گھنٹے بعد سامنے آئی ہیں۔
شمالی غزہ کے قصبے بیت لاہیا میں ایک گھر پر اسرائیلی حملے کے نتیجے میں 11 افراد شہید ہوئے، ان 11 افراد میں بچے اور خواتین بھی شامل تھیں۔ سول ایمرجنسی سروس کے مطابق ان میں سے کچھ افراد کی لاشیں جل چکی تھیں جن کی شناخت بھی مشکل ہے۔
اس کے علاوہ اسرائیلی فورسز کی جانب سےوسطی غزہ کی پٹی المغازی کیمپ کے ایک گھر میں ہونے والے حملے میں ایک مقامی صحافی سمیت 6 افراد شہید ہوئے۔ ذرائع نے یہ بھی بتایا کہ جنوب میں الگ الگ حملوں میں 5 دیگر افراد بھی شہید ہوئے ہیں۔
بعد ازاں جمعرات کوخان یونس میں ایک چوک کے قریب لوگوں کو نشانہ بنانے والے اسرائیلی فضائی حملے میں 5 فلسطینی شہید اور متعدد زخمی ہوگئے ہیں۔
اس کے علاوہ امریکی اور اسرائیلی وفود نےجمعرات کو قاہرہ میں جنگ بندی کے معاہدے تک پہنچنے کے لیے اجلاسوں کا ایک نیا دور شروع کیا ہے، جنگ بندی پر مہینوں تک جاری رہنے والی بات چیت انہی مسائل پر مبنی ہے لیکن اسرائیل اور حماس اپنے مطالبات پر مضبوطی سے ڈٹے ہوئے ہیں۔
موسم
ملک کے بیشتر علاقوں میں آج بارش کا امکان
وفاقی دارالحکومت اسلام آباد اور گردونواح میں موسم گرم اور مرطوب رہنے کا امکان ہے
![ملک کے بیشتر علاقوں میں آج بارش کا امکان](/media/115757/conversions/Rain-1280x720.jpg)
اسلام آباد: محکمہ موسمیات نے ملک کے بیشتر علاقوں میں آج بارش کی پیشگوئی کی ہے۔ محکمہ کے مطابق ملک کے مختلف حصوں میں تیز ہواؤں اور گرج چمک کے ساتھ بارش کا امکان ہے۔
وفاقی دارالحکومت اسلام آباد اور گردونواح میں موسم گرم اور مرطوب رہنے کا امکان ہے تاہم شام اور رات کے اوقات میں تیز ہواؤں اور گرج چمک کے ساتھ بارش کی پیشگوئی کی گئی ہے۔
خیبر پختونخوا میں چترال، دیر، سوات، کوہستان، ایبٹ آباد، بونیر، مہمند، خیبر، باجوڑ اور مالاکنڈ سمیت کئی اضلاع میں بارش کا امکان ہے۔
پنجاب میں مری، گلیات، راولپنڈی، چکوال، جہلم، گجرات، گوجرانوالہ، لاہور، سیالکوٹ، نارووال، ساہیوال، ملتان، خانیوال، پاکپتن، بہاولپور، بہاولنگر اور ڈیرہ غازی خان سمیت متعدد شہروں میں بارش کی پیشگوئی کی گئی ہے۔
بلوچستان میں ژوب، بارکھان، موسیٰ خیل، قلات، خضدار اور گردونواح میں بارش کا امکان ہے۔
سندھ میں تھر پارکر، میرپورخاص، بدین، مٹھی، سانگھڑ، خیر پور اور گردونواح میں تیز ہواؤں اور گرج چمک کے ساتھ بارش کی پیشگوئی کی گئی ہے۔ ساحلی علاقوں میں ہلکی بارش اور بونداباندی کا امکان ہے۔
کشمیر اور گلگت بلتستان میں بھی کچھ علاقوں میں بارش کا امکان ہے۔
موسم
بھارت : طوفانی بارشوں سے 10 افراد ہلاک
34 ہزار افراد کو اپنے گھر بار چھوڑ کر ریلیف کیمپس میں پناہ لینا پڑی جہاں پینے کے پانی اور دواؤں کی کمی کا سامنا ہے
![بھارت : طوفانی بارشوں سے 10 افراد ہلاک](/media/115741/conversions/indiaaa-1-696x342-1280x720.jpg)
نئی دہلی: بھارتی ریاست تریپورہ میں طوفانی بارشوں سے ہلاک ہونے والوں کی تعداد 10 سے تجاوز کرگئی جبکہ متعدد افراد لاپتہ ہوگئے۔
بھارتی میڈیا کے مطابق ریاست تریپورہ کے 8 اضلاع میں مسلسل ہونے والی طوفانی بارشوں نے تباہی مچادی۔ بارش نے سیلابی کیفیت اختیار کرلی اور پانی کا ریلہ رہائشی علاقوں میں داخل ہوگیا ، بارشوں سے متعدد مکانات منہدم ہوگئے اور ملبے تلے درجنوں افراد دب گئے۔ اب تک ہلاک ہونے والوں کی تعداد 10 سے زائد ہوچکی ہے۔ امدادی کاموں کے دوران لاشیں ملنے کا سلسلہ جاری ہے۔
34 ہزار افراد کو اپنے گھر بار چھوڑ کر ریلیف کیمپس میں پناہ لینا پڑی جہاں پینے کے پانی اور دواؤں کی کمی کا سامنا ہے۔ متعدد افراد سیلابی ریلے میں بہہ گئے جن کی تلاش کا کام جاری ہے۔
بارشون اور سیلاب کے باعث نظام زندگی درہم برہم ہوکر رہ گئے۔ ٹرانسپورٹ بند اور ریلوے سروس معطل ہیں۔ کئی علاقے تاریکی میں ڈوب گئے اور سڑکوں پر گاڑیوں کی قطاریں لگ گئیں۔
-
جرم 2 دن پہلے
کراچی میں کار ساز روڈ حادثہ کی ابتدائی پولیس تحقیقات مکمل
-
جرم ایک دن پہلے
اٹک میں نامعلوم افراد کی سکول وین پر فائرنگ: دو بچے جاں بحق
-
پاکستان ایک دن پہلے
عمران خان اور بشری ٰ بی بی کے خلاف 190 ملین پاؤنڈز کیس کی سماعت بغیر کارروائی 23 اگست تک ملتوی
-
تجارت ایک دن پہلے
بجلی صارفین کو ریلیف پیکج کیلئے پنجاب حکومت نےسمری وفاق کو بھجوا دی
-
پاکستان ایک دن پہلے
ایران میں پاکستانی زائرین کو بس حادثہ کے زخمیوں کی فہرست جاری
-
پاکستان ایک دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
علاقائی ایک دن پہلے
سپریم کورٹ کی جانب سے حلقے این اے 97 میں دوبارہ گنتی کی درخواست مسترد
-
تجارت ایک دن پہلے
نیپرا نے کراچی میں بجلی فیول ایڈجسٹمنٹ کی مد میں 5 روپے76 پیسے فی یونٹ مہنگی کردی