دنیا
غزہ پر اسرائیلی حملوں میں مزید 20 فلسطینی شہید
گزشتہ سال اکتوبر سے اسرائیلی جارحیت میں شہید ہونے والے فلسطینیوں کی تعداد اب چوالیس ہزار چار سو چھہتر ہو گئی ہے
![غزہ پر اسرائیلی حملوں میں مزید 20 فلسطینی شہید](/media/116286/conversions/news-1724178075-4118-1280x720.jpg)
غزہ پر اسرائیلی حملوں میں آج (منگل) مزید 20 فلسطینی شہید ہوگئے۔
گزشتہ سال اکتوبر سے اسرائیلی جارحیت میں شہید ہونے والے فلسطینیوں کی تعداد اب چوالیس ہزار چار سو چھہتر ہو گئی ہے۔
اقوام متحدہ کا کہنا ہے کہ دیر البلاح میں اسرائیل کی طرف سے بڑے پیمانے پر انخلا کے حکم کے بعد اسے غزہ میں امدادی کارروائیاں روکنے پر مجبور کیا گیا ہے۔اقوام متحدہ نے رفح سے نقل مکانی کے بعد دیر البلاح میں اپنا آپریشن سینٹر قائم کیا تھا جب اسرائیلی فورسز نے وہاں زمینی حملہ شروع کیا تھا۔
پاکستان
پیپلز لبریشن آرمی کے کمانڈر جنرل لی کیا و منگ نے صدر مملکت آصف علی زرداری سے ملاقات
پیپلز لبریشن آرمی کے کمانڈر کمانڈر لی کیاو منگ نے کہا دونوں ممالک کو دہشت گردی کے خلاف مل کر کام کرنے کی ضرورت ہے
![پیپلز لبریشن آرمی کے کمانڈر جنرل لی کیا و منگ نے صدر مملکت آصف علی زرداری سے ملاقات](/media/116295/conversions/news-1724769546-4965-1280x720.jpg)
پیپلز لبریشن آرمی کے کمانڈر جنرل لی کیا و منگ نے صدر مملکت آصف علی زرداری سے ملاقات کی ہے۔
تفصیلات کے مطابق صدر مملکت نے دونوں ممالک کو مزید قریب لانے کیلئے فوجی اور دفاعی تعاون، عوامی اور ثقافتی روابط مزید بڑھانے کی ضرورت پر زور دیا اور چین کے ساتھ کھڑے ہونے کے پاکستان کے عزم کا اعادہ کیا۔
اس موقع پر صدر مملکت آصف علی زرداری نے کہا چین پاکستان کا قابل اعتماد اور عظیم دوست ہے ، دونوں ممالک کے باہمی مفاد میں اسٹریٹجک تعاون مزید مضبوط کرنے کی ضرورت ہے، دونوں ممالک کے درمیان سات دہائیوں پر محیط تاریخی تعلقات ہیں ، پاکستان چینی زبان سیکھنے کی حوصلہ افزائی کر رہا ہے ، چینی زبان سیکھنے سے عوامی تعلقات کو فروغ دینے میں مدد ملے گی،اپنے گزشتہ دورِ صدارت میں پاک چین اقتصادی راہداری کا وژن پیش کیا، پاکستان اور چین کے دشمن نہیں چاہتے کہ دوطرفہ تعلقات پروان چڑھیں، پاکستان اور چین کو مشترکہ چیلنجز پر قابو پانے کے لیے مل کر کام کرنا چاہیے۔
پیپلز لبریشن آرمی کے کمانڈر کمانڈر لی کیاو منگ نے کہا دونوں ممالک کو دہشت گردی کے خلاف مل کر کام کرنے کی ضرورت ہے، انہوں نے پاکستان میں گزشتہ روز ہونے والے دہشت گردانہ حملوں کی مذمت کی اور جانی نقصان پر پاکستان کی حکومت اور عوام سے دلی تعزیت کا اظہارکیا۔
قبل ازیں صدر آصف علی زرداری نے پاکستان اور چین کے درمیان دفاعی تعاون بڑھانے کے لیے خدمات کے اعتراف میں جنرل لی کیاومنگ کو نشان امتیاز (ملٹری) کا اعزاز دیا ۔
چینی کمانڈر نے نشان امتیاز (ملٹری) سے نوازنے پر صدر مملکت کا شکریہ ادا کیا۔
پاکستان
کابینہ نے 82 سرکاری اداروں کے انضمام کی منظوری دے دی
کابینہ کو بریفنگ میں بتایا گیا کہ یوریا کی درآمد روکنے اور یوریا فیکٹریوں کو بلاتعطل گیس کی فراہمی سے ایک سو تیس ملین ڈالر کی بچت ہوئی ہے۔
![کابینہ نے 82 سرکاری اداروں کے انضمام کی منظوری دے دی](/media/116285/conversions/3217595891724771885-1280x720.jpg)
وفاقی کابینہ نے 82 ریاستی ملکیتی اداروں کے انضمام اور تحلیل کے لیے وفاقی حکومت کی کمیٹی کی رائٹسائزنگ کی پیش کردہ سفارشات کی منظوری دے دی ہے۔
کابینہ کا اجلاس آج (منگل) اسلام آباد میں وزیراعظم شہباز شریف کی زیر صدارت ہوا جس میں سفارشات کی منظوری دیتے ہوئے ملازمین کے مفادات کے تحفظ کے لیے ایک کمیٹی بھی تشکیل دی گئی جو مختلف محکموں کے انضمام اور تحلیل سے متاثر ہوں گے۔ ان 82 اداروں کو ڈیجیٹائزیشن، سمارٹ مینجمنٹ، موثر گورننس، شفافیت اور عام آدمی کو بہتر سہولیات فراہم کرنے کے لیے تیزی سے عمل درآمد کے ذریعے مضبوط اداروں میں تبدیل کیا جا رہا ہے۔
وفاقی کابینہ کو بتایا گیا کہ پہلے مرحلے میں 6 وزارتوں میں کمیٹی کی سفارشات پر عملدرآمد شروع کر دیا گیا ہے۔اس سے حکومتی کارکردگی کو بہتر بنانے، انسانی سرمائے کے درست استعمال اور پالیسی سازی کے ساتھ ساتھ فیصلوں پر عمل درآمد میں غیر ضروری تاخیر کو ختم کرنے میں مدد ملے گی۔
کابینہ کو بریفنگ میں بتایا گیا کہ یوریا کی درآمد روکنے اور یوریا فیکٹریوں کو بلاتعطل گیس کی فراہمی سے ایک سو تیس ملین ڈالر کی بچت ہوئی ہے۔
وزیر اعظم نے آئندہ ربیع کے فصل کے سیزن کے دوران یوریا کھاد کی بلا روک ٹوک فراہمی کو یقینی بنانے کے لیے وزارت خزانہ، توانائی اور نیشنل فوڈ سیکیورٹی کے فیصلوں کو سراہا۔
کابینہ کو کفایت شعاری کے اقدامات پر عملدرآمد کے حوالے سے بھی تفصیلی بریفنگ دی گئی۔
وفاقی کابینہ نے کفایت شعاری کے اقدامات کو جاری رکھنے کی منظوری دی جس میں کابینہ کے ارکان کی رضاکارانہ تنخواہوں کی معافی، ضروری گاڑیوں کے علاوہ سرکاری گاڑیوں کی خریداری پر پابندی شامل ہے۔
اجلاس کے دوران دہشت گردی کے واقعات میں شہید ہونے والے شہریوں اور سیکیورٹی اہلکاروں کے لیے فاتحہ خوانی بھی کی گئی۔
کابینہ نے ان واقعات میں ملوث دہشت گرد عناصر کے خلاف سخت کارروائی کرنے پر زور دیا۔
پاکستان
وزیراعظم سے وفاقی وزیر داخلہ اور وزیر اعلیٰ بلوچستان کی ملاقات
وفاقی وزیر داخلہ اور وزیر اعلیٰ بلوچستان نے وزیراعظم کو بلوچستان کی سیکیورٹی و مجموعی صورتحال پر تفصیلی بریفنگ بھی دی
![وزیراعظم سے وفاقی وزیر داخلہ اور وزیر اعلیٰ بلوچستان کی ملاقات](/media/116280/conversions/1794c360-0d5f-4295-b414-8bb20203376a-1280x720.jpg)
وزیراعظم محمد شہباز شریف سے وفاقی وزیر داخلہ سید محسن رضا نقوی اور وزیر اعلیٰ بلوچستان سرفراز بگٹی کی ملاقات ہوئی ۔
وفاقی وزیر داخلہ اور وزیر اعلیٰ بلوچستان نے وزیراعظم کو بلوچستان کی سیکیورٹی و مجموعی صورتحال پر تفصیلی بریفنگ بھی دی ۔
وزیر اعظم نے کہا کہ بلوچستان میں گزشتہ روز ہونے والے دہشت گرد حملے بزدلانہ کارروائیاں تھیں جن کا کوئی جواز پیش نہیں کیا جا سکتا ۔
انہوں نے مزید کہا کہ ہماری بہادر سیکیورٹی فورسز نے اپنی جانوں کا نذرانہ پیش کر کے دہشت گردوں کے عزائم کو ناکام بنایا ہے ۔
وزیراعظم نے بلوچستان میں امن و امان کی صورتحال بہتر بنانے کے حوالے سے ہر ممکن اقدامات کی ہدایت بھی کی ہے ۔
وزیر اعظم نے دہشت گردوں کی نشاندہی کر کے ان کے خلاف بھرپور کارروائی کی ہدایات بھی جاری کیں ۔
-
پاکستان 7 گھنٹے پہلے
الیکشن کمیشن کا این اے 79 گوجرانوالہ میں ووٹو ں کی دوبارہ گنتی کا حکم
-
دنیا 16 گھنٹے پہلے
سوڈان میں ڈیم کا بند ٹوٹ گیا، 30 افراد ہلاک، ہزاروں افراد بے گھر
-
پاکستان ایک دن پہلے
28 اگست کو پورے ملک میں ہڑتال کریں گے، نائب امیر جماعت اسلامی
-
پاکستان 10 گھنٹے پہلے
مولانا فضل الرحمٰن کا تاجروں کی ہڑتال کی حمایت کا اعلان
-
ٹیکنالوجی 2 دن پہلے
ٹیلی گرام کے بانی پاول دورو فرانس میں گرفتار
-
تجارت ایک دن پہلے
یکم ستمبر سے ملک میں پیٹرولیم مصنوعات کی قیمتوں میں کمی کا امکان
-
پاکستان 2 دن پہلے
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار
-
علاقائی ایک دن پہلے
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا