اوریا مقبول جان کے جسمانی ریمانڈ کی استدعا مسترد، عدالت نے جیل بھیج دیا

لاہور کی ضلعی عدالت نے اینکر اور رائٹر اوریا مقبول جان کے جسمانی ریمانڈ کی استدعا مسترد کردی۔

ڈیوٹی مجسٹریٹ ثروت بتول نے اوریا مقبول جان کے 6 روزہ جسمانی ریمانڈ کی استدعا مسترد کردی۔ عدالت نے اوریا مقبول جان کو 14 روزہ جوڈیشل ریمانڈ پر جیل بھیج دیا۔

اینکر اوریا مقبول جان کے خلاف سائبر کرائم اور نفرت انگیز تقریر کا کیس درج ہے۔ اس سے قبل عدالت نے 4 روزہ جسمانی ریمانڈ منظور کرتے ہوئے اوریا مقبول جان کو ایف آئی اے کے حوالے کیا تھا۔ اوریا مقبول جان کو کچھ روز قبل گرفتار کیا گیا تھا۔