پیرو کے سابق صدر پر رشوت لینے کا الزام ثابت ہونے پر 20 سال قید کی سزا

رشوت لینے کا الزام ثابت ہونے پر پیرو کے سابق صدر الیجاندرو ٹولیڈو کو ساڑھے 20 سال قید کی سزا سنائی گئی ہے۔ 

غیر ملکی خبر ایجنسی کے مطابق پیرو کے سابق صدر ٹولیڈو پر برازیل کی تعمیراتی کمپنی سے ساڑھے 3 کروڑ ڈالر رشوت لینے کا الزام تھا ، الزام ثابت ہونے پر عدالت نے قید کی سزا سنا دی۔

یار رہے کہ الیجاندرو ٹولیڈو کینسر کے مریض ہیں اس لئے انہوں نے عدالت سے استدعا کی کہ ان کو سزا گھر پر کاٹنے دی جائے۔

واضح رہے الیجاندرو ٹولیڈو 2001 سے 2006 کے دوران پیرو کے صدر رہے ہیں۔ یہ برازیل کے لاوا جاٹو کرپشن اسکینڈل سے متعلق پیرو کی پہلی ہائی پروفائل سزا ہے۔