کراچی ائیر پورٹ پر بھارتی طیارے کی ہنگامی لینڈنگ

کراچی: جناح انٹرنیشنل ائیرپورٹ پر بھارت کے مسافر بردار طیارے کو ہنگامی لینڈنگ کی اجازت دی گئی۔

سول ایوی ایشن حکام کے مطابق  پر دہلی سے جدہ جانے والی بھارتی پروازنے ایک مسافر کی طبیعت خراب ہونے پر میڈیکل ایمرجنسی لینڈنگ کی اجازت طلب کی۔

سی سی اے ذرائع کے مطابق جہاز کے عملے نے مرد مسافر کو آکسیجن فراہم کی تاہم حالت خراب ہونے پر پائلٹ نے کراچی ائیر ٹریفک کنٹرول سے رابطہ کی۔

بھارتی پائلٹ نے انسانی ہمدردی کی بنیاد پر کراچی ایئر ٹریفک کنٹرول سے کراچی میں میڈیکل ایمرجنسی لینڈنگ کی اجازت مانگی۔

ایئرپورٹ حکام کے مطابق اجازت ملنے پر پائلٹ نے طیارے کا رخ کراچی کی طرف کیا اور جناح انٹرنیشنل ایئرپورٹ پر لینڈ کی۔

حکام کے مطابق طیارہ لینڈ کرنے کے بعد پاکستان سول ایوی ایشن اتھارٹی کی میڈیکل ٹیم طیارے میں سوار ہوئی اور مسافر کو طبی امداد فراہم کی۔