اسٹاک مارکیٹ نے ایک اور سنگل میل عبور کر لیا، انڈیکس بلند ترین ایک لاکھ ، 17 ہزار کی سطح پر پہنچ گیا

پاکستان اسٹاک مارکیٹ  میں تیزی کا رحجان  برقرار ہے،ہنڈرڈ انڈیکس نے نئی بلند ترین ایک لاکھ 17 ہزار کی حد بھی عبور کر لی،دوسری جانب ڈالر کی قیمت میں کمی ہو گئی۔

کاروباری ہفتے کے دوسرے دن اسٹاک مارکیٹ میں منفی کاروبار کا آغاز ہوا تاہم تھوڑی دیر بعد کاروبار میں تیزی دیکھی گئی،اور 100 انڈیکس 848 پوائنٹس کے اضافے سے تاریخ کی بلند ترین ایک لاکھ ، 17 ہزار 796 کی سطح پر پہنچ گیا۔

یاد رہے گزشتہ روز اسٹاک ماراکیٹ میں زبردست تیزی  کے ساتھ کاروبار کا  آغاز ہوا اور 100 انڈیکس  نے 2 نئی بلندیوں  کو عبور کرکے نیا ریکارڈ قائم کیا تھا۔

دوسری جانب انٹر بینک میں ڈالر گراوٹ کا شکار ہے۔ انٹر بینک میں کاروبار کے آغاز پرامریکی ڈالر 7 پیسے سستا ہونے کے بعد  278.17 روپے سے 278.10 روپے پر آ گیا۔