کرم :امدادی سامان لیے 100 گاڑیوں پر مشتمل ایک اور قافلہ روانہ

کرم:خیبر پختونخوا کےضلع کرم کیلئے 100 گاڑیوں پر مشتمل امدادی سامان کا ایک اور قافلہ روانہ کر دیا گیا ہے۔
اس حوالے سے ڈپٹی کمشنر ہنگو گوہر زمان کی جانب سے بتایا گیا ہے ٹل سے کرم کے لیے امدادی اشیاء لیکر قافلہ روانہ ہو گیا ہے ، امدادی اشیاء میں آٹا ، گھی ، چینی ، ادویات اور روزمرہ کی دوسری اشیاء شامل ہیں۔
ڈپٹی کمشنر کا مزید کہنا ہے کہ قافلے کی حفاظت کے لیے سکیورٹی کے سخت انتظامات کیے گئے ہیں، قافلے کی سکیورٹی کے لیے ایف سی اور پولیس کی نفری تعینات کی گئی ہے۔
خیال رہے اس سے قبل کرم سامان لے جانے والے قافلوں پر 2 مرتبہ حملے ہو چکے ہیں جس کے بعد حکومت نے کرم میں شرپسندوں کے خلاف آپریشن شروع کیا ہوا ہے۔