جسٹس عائشہ ملک نےکسٹمز ایکٹ سے متعلق کیس سننے سے معذرت کرلی

اسلام آباد: پاکستان سپریم کورٹ کی جج جسٹس عائشہ ملک نے کسٹمز ایکٹ کے سیکشن 221 اے کی آئینی حیثیت کے بارے میں کیس سننے سے معذرت کر لی۔
پاکستان سپریم کورٹ میں کسٹمز ایکٹ کے سیکشن 221 اے کی آئینی حیثیت کے بارے میں آئینی بنچ میں اپیلوں پر سماعت ہوئی۔
کیس کی سماعت جسٹس امین الدین خان کی سربراہی میں 8 رکنی آئینی بنچ نے کی،دوران سماعت جسٹس عائشہ ملک نے کیس سننے سے معذرت کر لی، انہوں نے کہا کہ میں کیس نہیں سن سکتی، اس کی الگ سے وجوہات دوں گی۔
دوران سماعت اٹارنی جنرل نے ریمارکس دیتے ہوئے کہا کہ کیس ایک ہفتے کیلئے ملتوی کریں، جس پر وکیل بیرسٹر صلاح الدین نے کہا کہ اس معاملے میں کافی تنازع ہے، اختیارات سے متعلق ایک آرڈر بھی آیا ہے، دیوان موٹرز کیس جلد سنا جائے۔
جسٹس امین الدین خان نے کہا کہ ٹھیک ہے ہم کل ہی اس کیس کو سن لیتے ہیں۔