‘دھی رانی پروگرام’ کے تحت بہاولنگر میں 49 اجتماعی شادیوں کی پروقار تقریب کا انعقاد

وزیر اعلیٰ پنجاب مریم نواز شریف کے ‘دھی رانی پروگرام’ کے تحت بہاولنگر میں 49 اجتماعی شادیوں کی پروقار تقریب کا انعقاد کیا گیا۔

اس تقریب میں صوبائی وزیر سوشل ویلفیئر سہیل شوکت بٹ نے خصوصی شرکت کی اور اس پروگرام کو پنجاب کی تاریخ کا منفرد فلاحی منصوبہ قرار دیا۔

سہیل شوکت بٹ نے اس موقع پر کہا کہ رواں سال پنجاب میں 3000 اجتماعی شادیاں کروائی جائیں گی، جس کا مقصد خواتین کی خودمختاری اور سماجی ترقی کے لئے ایک بڑا قدم ہے۔

وزیر اعلیٰ پنجاب کی جانب سے نوبیاہتا جوڑوں کو ڈبل بیڈ، پنکھے، کھانے کے سامان اور ایک لاکھ روپے کی سلامی فراہم کی جا رہی ہے، انہوں نے نوبیاہتا جوڑوں کو خصوصی مبارکباد دی اور ان کی کامیاب اور خوشحال زندگی کے لئے دعا کی۔

 اس موقع پر ممبران اسمبلی میاں عبدالغفار کالوکا وٹو، سہیل خان زاہد، انعام شوکت باری، کاشف نوید پنسوتہ اور کمشنر بہاولپور مسرت جبین بھی موجود تھے۔