لاپتہ افراد کمیشن کے سربراہ جسٹس فقیر محمد کھوکھر انتقال کرگئے

کچھ روز قبل ہی لاپتہ افراد کمیشن کے سربراہ بننے والے جسٹس (ریٹائرڈ) فقیر محمد کھوکھر انتقال کر گئے۔

سابق جج سپریم کورٹ جسٹس (ر) فقیر محمد کھوکھر کی عمر 80 برس تھی اور وہ ایک عرصہ سے علیل تھے ، جسٹس فقیر محمد کھوکھر کی نماز جنازہ بعد نماز عصر شام 4 بج کر 15 منٹ پر لاہور میں ادا کی جائے گی۔

واضح رہےکہ جسٹس ریٹائرڈ فقیر محمد کھوکھر کو ایک ہفتہ قبل ہی لاپتہ افراد کمیشن کا سربراہ بنایاگیا تھا۔ جب انہیں لاپتہ افراد کمیشن کا سربراہ مقرر کیاگیا، وہ لاہور کے سروسز اسپتال میں زیر علاج تھےاور ان کی صحت کی بابت تشویش ناک خبریں آرہی تھیں ۔