ملک کی بہتری کےلیے پی ٹی آئی سے بات کرنے کےلیے تیار ہیں ، مشیر وزیر اعظم

وزیر اعظم کے مشیر برائے سیاسی رانا ثنا اللہ کا کہنا ہے تحریک انصاف کے دوست آج رات کا جب بھی ان کا دل کرے ہمارےساتھ مذاکرات کی میز پر بیٹھیں،اگر وہ ہمیں اپنی بات پر قائل کرلیتے ہیں تو ان کی بات بھی مانی جاسکتی ہے۔ ملک کی بہتری کےلیے ہم ان کے ساتھ بات کرنے کے لیے تیار ہیں ۔
حکومتی مذاکراتی کمیٹی کے رکن رانا ثنا اللہ کا کہناتھا کہ پی ٹی آئی کے انتظار کی بات نہیں، ڈائیلاگ کرنا بنیادی شرط ہے، وزیر اعظم نے انہیں مذاکرات کی آفر کی ہے، آج رات 12 بجے تک آجائیں یا جب بعد میں بھی آ جائیں ہم ان کے ساتھ بات چیت کےلیے تیار ہیں۔

 پی ٹی آئی کی کمیٹی والے اب بھی آکر بیٹھیں،ہم انہیں اپنی بات پر قائل کر سکتے ہیں، اگر وہ ہمیں قائل کرتے ہیں تو ان کی بات بھی مانی جاسکتی ہے،انہوں نے پہلے بھی مذاکرات سے راہ فرار اختیار کی اور اب اگر 10 سال بعد بیٹھے ہیں تو 10 دن بعد ہی مذاکرات سے بھاگ گئےہیں۔

رانا ثنا اللہ کا کہناتھا کہ  پی ٹی آئی والے4 سال کی حکومت میں مقدمات بناتےتھے، ہم ان سے بات کرتے تھے،ملک کی بہتری کےلیے ہم ان کے ساتھ بات کرنے کے لیے تیار ہیں، جب ہم اپوزیشن میں تھے تب شہباز شریف نے بانی پی ٹی آئی کو کہا تھا بیٹھیں بات کریں۔

انہوں نےکہاکہ 2018کےبعد ہمیں گلہ تھا رزلٹ الٹ دیا گیا،انہوں نے حکومت بنائی اور دھاندلی کی تحقیقات کےلیے پارلیمانی کمیٹی تشکیل دی،ہم پرویز خٹک سے جب کمیٹی کا اجلاس بلانے کاکہتے تھے تو جواب ملتا تھاکہ مجھے عمران خان کی جانب سے اجازت نہیں ہے۔