بانی پی ٹی آئی کی بہن علیمہ خان نے اپنے بھائی کو مکمل صحت مند قرار دےد یا

بانی پی ٹی آئی کی بہن علیمہ خان نے اپنے بھائی کو مکمل صحت مند قرار دےد یا۔

اڈیالا جیل کے باہر صحافیوں سے گفتگو  کرتے ہوئے  علیمہ خان نے کہا کہ بانی پی ٹی آئی بالکل صحت مند اور خوش لگ رہے تھے، ان  کے کان میں کوئی تکلیف نہیں نہ کوئی اور بیماری ہے۔

انہوں نے کہا کہ عمران خان کی صحت کے بارے میں پروپیگنڈا کیا جارہا ہے، اب افواہ چل رہی ہے کہ بانی پی ٹی آئی خان  کے دماغ میں کوئی انفیکشن ہوا ہے، بانی پی ٹی آئی کے ذاتی معالج کی ان سے ملاقات نہیں کرارہے۔

علیمہ خان کا کہنا تھا کہ القادر کیس کا فیصلہ بھی زیادہ سے زیادہ ایک ہفتے میں ہوسکتا ہے، یہ سب کچھ بانی پی ٹی آئی کو دباؤ میں لانے کےلیے کیا جارہا ہے۔