کینیڈا کا بھی سخت ردعمل، امریکی درآمدات پر 25 فیصد ٹیرف لگانے کا اعلان

مریکی صدر ڈونلڈ ٹرمپ کی جانب سے کینیڈین درآمدات پر اضافی ٹیرف لگانے کے اعلان کے بعد اب کینیڈا نے بھی جوابی طور پر امریکی درآمدات پر اضافی  ٹیرف عائد کرنے کا اعلان کیا ہے۔

غیر ملکی خبر رساں ادارے کے مطابق کینیڈا کے وزیراعظم جسٹن ٹروڈو نے کہاکہ 155 ارب ڈالر کی امریکی اشیاء پر 25 فیصد تجارتی ٹیرف لگائیں گے، ہمارے ٹیرف اس وقت تک رہیں گے جب تک امریکا ٹیرف ختم نہیں کرتا۔

انہوں نے کہا کہ امریکا کینیڈا کے ساتھ تجارتی جنگ اور روس کے ساتھ مثبت تعلقات کی بات کررہا ہے، کینیڈا یہ کیس عالمی تجارتی تنظیم میں دائر کرے گا۔

جسٹن ٹروڈو نے امریکی صدر کو پیغام میں کہاکہ ہمیں مل کر شمالی امریکا میں خوشحالی کیلئے کام کرنا چاہیے، ہم دوستوں کی لڑائی ہمارے دشمن دیکھنا چاہتے ہیں۔

دوسری جانب امریکی اور کینیڈین حکام کے درمیان صدر ٹرمپ کے نافذ کردہ ٹیرف میں کمی یا خاتمے پر بات چیت جاری ہے اور اس حوالے سے  امریکی اخبار کابتانا ہے کہ  امریکا اور کینیڈاکے درمیان معاہدہ ہو سکتا ہے ۔