پاکستان اور بھارت سیز فائرمعاہدے پر تیار ہو گئے ،ڈونلڈ ٹرمپ

نیو یارک: امریکی صدر ڈونلڈ ٹرمپ نے کہا ہے کہ پاکستان اور بھارت سیز فائر معاہدے پر تیا رہو گئے۔
تفصیلات کے مطابق امریکی صدر کا کہنا ہے کہ دونوں ممالک فوری طور پر جنگ بندی کے لیےتیار ہو گئے۔
امریکی صدر ڈونلڈ ٹرمپ نے سیز فائر معاہدے پر دونوں ممالک کا شکریہ ادا دکیا ہے،ان کا کہنا تھا کہ دونوں ممالک کے درمیان بات چیت میں امریکا نے ثالثی کا کردار ادا کیا ہے۔

امریکی صدر نے کہا کہ دونوں ممالک نے دانشمندانہ فیصلہ کیا ہے جس پر دونوں ممالک کو مبارکباد دیتا ہوں۔

خیال رہے کہ آج علی الصبح پاکستان نے بھارتی جارحیت کے جواب میں آپریشن ‘بنیان المرصوص شروع کیا، جس سے پڑوسی ملک کو بھاری نقصان پہنچا۔
پاکستانی افواج نے بھارت کے مختلف مقامات پر ایس 400 ایئر ڈیفنس سسٹم سمیت مختلف فوجی تنصیبات اور اہداف کو کامیابی سے نشانہ بنایا ہے جبکہ بھارت کی ادھم پور، پٹھان کوٹ ائیربیس اور براہموس اسٹوریج تباہ کیا گیا ہے۔