وزیراعظم شہباز شریف کادورہ کراچی: پاک بحریہ کے جوانوں اور افسران سے ملاقات کریں گے

اسلام آباد: وزیراعظم شہبازشریف کل کراچی کا دورہ کریں گے، وزیراعظم پاک بحریہ کے جوانوں اورافسران سے ملاقات کریں گے۔ 
ذرائع کے مطابق کراچی دورہ کے دوران وزیراعظم شہباز شریف پاک بحریہ کے جوانوں اور افسران سے ملاقات کریں گے،دورے کے دوران آرمی چیف اورسربراہ پاک فضائیہ بھی وزیراعظم کے ہمراہ ہونگے۔
پاک بحریہ کے سربراہ ایڈمرل نوید اشرف وزیراعظم کا استقبال کرینگے۔
ذرائع کا کہنا ہے کہ آپریشن بنیان مرصوص کے دوران بھارتی بحریہ کے جارحانہ عزائم ناکام بنانے پر پاک بحریہ کو وزیراعظم خراج تحسین پیش کرینگے۔
وزیراعظم اس موقع پر بحریہ کے افسران اور جوانوں سے خطاب بھی کرینگے، وزیراعظم کراچی میں قیام کے دوران گورنر اور وزیر اعلی سے بھی ملاقات کرینگے۔