وزیرخارجہ اسحاق ڈار کل چین کے دورے پر روانہ ہوں گے

اسلام آباد: نائب وزیراعظم و زیر خارجہ اسحاق ڈار کل 3 روز سرکاری دورے پرچین روانہ ہوں گے۔
 ترجمان وزارت خارجہ کے مطابق اسحاق ڈار دورے کے دوران پاک بھارت جنگی صورت حال اور سیز فائر بارے بریفنگ دیں گے اور چین سے مشاورت کریں گے ، دورے کے دوران اعلی حکام بھی ان  کے ہمراہ ہوں گے۔
ترجمان دفتر خارجہ کے مطابق وزیرخارجہ اسحاق ڈار 19 تا 21 مئی چین کا تین روزہ دورہ کریں گے، انہیں دورے کی دعوت چینی ہم منصب وانگ ای نے دی تھی، دورے میں دونوں وزرائے خارجہ کے درمیان اہم ملاقات ہو گی، جس میں جنوبی ایشیا کی علاقائی صورتحال پر تبادلہ خیال ہو گا۔
وزارت خارجہ کے ترجمان کا مزید کہنا تھا کہ اسحاق ڈار کے دورہ چین کے دوران افغان وزیرخارجہ ملا امیر خان متقی بھی چین میں ہی ہوں گے۔