ایک روز کی کمی کے بعد سونا پھر ہزاروں روپے مہنگا ،فی تولہ کتنے کا ہو گیا؟

کراچی: ایک روز کی کمی کے بعد عالمی ومقامی مارکیٹوں میں سونے کی فی تولہ قیمت میں ایک بار پھر بڑا اضافہ دیکھا گیا ہے۔
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روزمقامی مارکیٹوں میں سونا3500 روپےمہنگا ہوا ہے جس کے بعد سونے کی فی تولہ قیمت  3 لاکھ 51 ہزار روپے ہوگئی ہے۔
اسی طرح 10 گرام سونے کی قیمت 3000 روپے کے اضافے کے بعد 3 لاکھ 925 روپے ہوگئی ہے۔
دوسری جانب عالمی بلین مارکیٹ میں سونے کی قیمت 35ڈالر کااضافہ ہوا ہے جس کے بعدسونے کی نئی قیمت  3326 ڈالر فی اونس ہے۔
یاد رہے کہ گزشتہ روز  فی تولہ سونے کی قیمت 1900 روپے کمی کے بعد 3 لاکھ 47 ہزار 500 روپے ہوگئی تھی۔