وزیراعظم رواں ماہ ترکیہ، ایران، آذربائیجان اور تاجکستان کا دورہ کریں گے

اسلام آباد: وزیراعظم شہباز شریف رواں کے آخرمیں برادر ملک ترکیہ، ایران، آذربائیجان اور تاجکستان کا دورہ کریں گے۔
دفترخارجہ کے ترجمان شفقت علی خان کی جانب سے جاری بیان میں کہا کہ وزیراعظم شہباز شریف 25 سے  30 مئی کے دوران ترکیہ، ایران، آذربائیجان اور تاجکستان کے دورے پر روانہ ہوں گے۔
ترجمان دفترخارجہ کا کہنا تھا کہ وزیراعظم ان برادر ممالک کی جانب سے حالیہ بھارت کے ساتھ بحران کے دوران پاکستان کی حمایت پر دلی اظہار تشکر کریں گے۔
ترجمان دفتر خارجہ کی جانب سے جاری اعلامیے کے مطابق دورے میں وزیراعظم شہباز شریف ان ممالک کے رہنماؤں کے ساتھ دوطرفہ تعلقات اور علاقائی اور بین الاقوامی اہمیت کے معاملات پر وسیع پیمانے پر تبادلہ خیال کریں گے۔
ترجمان نےمزید کہا کہ دورے میں وزیراعظم ان ممالک کی قیادت کے ساتھ دوطرفہ تعلقات پر تبادلہ خیال کریں گے، وہ ان ممالک کی قیادت کے ساتھ علاقائی اور بین الاقوامی اہمیت کے تمام امور پر جامع بات چیت کریں گے۔
اعلامیے میں کہا گیا ہے کہ وزیراعظم 29 سے 30 مئی تک تاجکستان کے دارالحکومت دوشنبہ میں گلیشیئرز پر بین الاقوامی کانفرنس میں بھی شرکت کریں گے۔