آزاد کشمیر کے علاقے دھیر کوٹ میں گاڑی کھائی میں گر گئی،5 پولیس اہلکار جاں بحق

دھیرکوٹ: آزاد کشمیر کے علاقے دھیر کوٹ میں گاڑی گہری کھائی میںجا گری جس کے نتیجے میں 5 پولیس اہلکار جاں بحق ہوگئے۔
ڈپٹی کمشنر باغ کے مطابق باغ لس ڈنہ میں پیش آنے والے اس حادثے میں اسسٹنٹ ڈائریکٹر پولیس ذاکر اعوان، آئی جی کے ریڈر علی بخاری اور اہلکار فہیم جاں بحق ہوگئے۔
ڈپٹی کمشنر کے مطابق جاں بحق افراد ایس ایچ او کھائیگلہ نوید اور انسپکٹر یاسر کیانی میں بھی شامل ہیں،جن کی لاشوں کو کھائی سے نکال کر اسپتال منتقل کر دیا کیا گیا ہے۔
خیال رہے کہ 16 مئی کو آزادکشمیرٹرانسپورٹ اتھارٹی نے لسڈنہ روڈ ٹریفک کیلیے بند رکھنے کا مراسلہ جاری کیا تھا۔
ڈپٹی کمشنرپونچھ،سپرنٹنڈنٹ آف پولیس پونچھ اور دیگر کو ارسال کیے گئے مراسلے میں کہا گیا تھا کہ سڑک نامکمل ہے، ٹریفک کے لیے بند رکھی جائے۔
دوسری جانب اس افسوسناک واقعے پر وفاقی وزیرداخلہ محسن نقوی نے گہرے دکھ اورافسوس کا اظہار کیا ،وزیرداخلہ نے جاں بحق پولیس اہلکاروں کے لواحقین سے دلی ہمدردی و اظہار تعزیت کرتے ہوئے کہاکہ جاں بحق افراد کے لواحقین کے غم میں برابر کے شریک ہیں،دکھ کی گھڑی میں سوگوار خاندانوں کے ساتھ کھڑے ہیں،اللہ تعالٰی غمزدہ خاندانوں کو صبر جمیل عطافرمائے ۔