لاہور کے علاقے شمالی چھاؤنی میں 10 سال کا بچہ کھلے مین ہول میں گر کر جاں بحق

 لاہور کے علاقے شمالی چھاؤنی میں 10 سال کا بچہ کھلے مین ہول میں گر کر جاں بحق ہوگیا۔ سیوریج لائن کا مین ہول کھلا ہوا تھا۔

ریسکیو حکام کے مطابق 50 فٹ گہرے مین ہول سے بچے کو نکالنے میں 4 گھنٹے لگے۔

ریسکیو حکام کا کہنا ہے کہ مین شمالی چھاؤنی میں سیوریج لائن کا مین ہول کھلا تھا، مین ہول 50 فٹ گہرا تھا۔

اس واقعہ کے بعد علاقہ مکین اور بچے کے والدین  انتہائی پریشانی میں مبتلا ہیں، مقامی رہائشیوں کا کہنا تھا کہ مین ہولز کے ڈھکن غائب ہونے کے باعث یہ حادثہ رونما ہوا ہے۔

یاد رہے کہ اس سے قبل بھی شہر لاہور مٰیں کھلے مین ہولز میں گر کر متعدد بچوں سمیت دیگر افراد جان کی بازی ہار چکے ہیں۔