پاکستان کا قطر سے دو طرفہ تعلقات کو مزید وسعت دینے کا فیصلہ

وزیراعظم شہبازشریف نے امیر قطر شیخ تمیم بن حمد الثانی سے ٹیلیفون پر بات چیت کی۔

وزیراعظم نے انہیں اور قطر کے برادر عوام کو عید کی مبارکباد دی اور ان کے لئے نیک تمنائوں کا اظہار کیا۔

شہبازشریف نے حالیہ پاک بھارت کشیدگی کم کرنے میں فعال سفارتکاری اور تعمیری کردار ادا کرنے پر امیر قطر کا شکریہ ادا کیا۔

دونوں رہنمائوں نے بالخصوص باہمی طور پر فائدہ مند تجارت اور سرمایہ کاری کے ذریعے دوطرفہ تعلقات کو وسعت دینے کی مشترکہ خواہش کا اعادہ کیا۔

امیر قطر نے بھی وزیراعظم کو عید کی مبارکباد دی اور پاکستانی عوام کیلئے نیک خواہشات کا اظہار کیا۔