وفاقی بجٹ: سولر پینلز کی درآمدات پر 18 فیصد ٹیکس عائد

اسلام آباد:وفاقی حکومت کی جانب سے قومی اسمبلی میں بجٹ 2025-26 پیش کر دیا گیا۔
وفاقی وزیر خزانہ محمد اورنگزیب نے قومی اسمبلی میں بجٹ پیش کیا۔
 وزیر خزانہ کا کہنا تھاکہ سیلز ٹیکس کے نظام میں مساوات لانے اور اس کی دیرینہ خرابیوں کو دور کرنے کے لیے درج ذیل اقدامات تجویز کیے جا رہے ہیں۔
بجٹ اجلاس سے خطاب کرتے ہوئے وزیر خزانہ نے بتایاکہ درآمد شدہ اور مقامی طور پر تیار کردہ سولر پینلز کے درمیان مسابقت میں برابری کو یقینی بنانے کے لیے تجویز ہے کہ سولر پینلز کی درآمدات پر 18 فیصد کی شرح سے ٹیکس عائد کیا جائے۔
ان کا کہنا تھاکہ حکومت کے اس فیصلے سے ملک  میں سولر پینلز کی مقامی صنعت کے فروغ میں اہم کردار ادا کرے گا۔