تہران :اسرائیلی کا رہائشی کمپلیکس پرحملہ،20 بچوں سمیت 60 افراد شہید

تہران:ایرانی دارالحکومت میں ایک رہائشی کمپلیکس پر اسرائیلی حملے کے نتیجے میں درجنوں افراد شہید ہو گئے۔

 ایرانی سرکاری میڈیا کے مطابق حملے میں 20 بچوں سمیت کم از کم 60 افراد اپنی جانوں سے ہاتھ دھو بیٹھے۔

میڈیارپورٹس کے مطابق اسرائیلی فضائی حملہ تہران کے ایک مصروف اور گنجان آباد علاقے میں کیا گیا، جہاں شہری آبادی کو نشانہ بنایا گیا۔ 
فضائی حملے کے فوراً بعد ریسکیو ادارے موقع پر پہنچے اور زخمیوں کو اسپتال منتقل کیا گیا،جبکہ متعدد افراد ملبے تلے دبے رہنے کی اطلاعات بھی موصول ہو رہی ہیں۔

ایرانی میڈیا کے مطابق امدادی کارروائیاں جاری ہیں، ملبے سے 38 شہداء کی لاشیں نکالی جاچکی ہیں۔

ایرانی سرکاری کا کہنا ہے کہ اسرائیل نے بین الاقوامی قوانین کی سنگین خلاف ورزی کرتے ہوئے نہتے شہریوں کو نشانہ بنایا ہے۔

خیال رہے کہ اسرائیل نے جمعرات اور جمعہ کی شب عالمی قوانین کی خلاف ورزی کرتے ہوئے ایران کے مختلف شہروں پر طیاروں میزائلوں اور ڈرونز سے حملہ کیا، جس کے نتیجے میں اعلیٰ فوجی قیادت سمیت درجنوں افراد شہید اور سیکڑوں زخمی ہوگئے تھے۔

 جس کے بعدایران نے اسرائیلی حملوں کا جواب دیتے ہوئے جمعہ اور ہفتہ کی درمیانی شب آپریشن ’’وعدہ صادق سوم‘‘ کا آغاز کیا اور ہائپر سونک سمیت سیکڑوں میزائل تل ابیب پر داغ دیئے، جس کم از کم دس افرادہلاک درجنوںزخمی ہوئے،جبکہ میزائل حملے کے نتیجے میں درجنوں عمارتیں ملبے کا ڈھیر بن گئیں۔