اسٹیٹ بینک نے نئی مانیٹری پالیسی کا اعلان کر دیا،شرح سود 11 فیصد پر برقرار

کراچی:اسٹیٹ بینک آف پاکستان نےنئی مانٹیری پالیسی کا اعلان کر دیا ہے جس میں شرح سود 11 فیصد پر برقرار رکھنے کا فیصلہ کیا گیاہے۔

اسٹیٹ بینک کی جانب سے جاری کر دہ اعلامیے کے مطابق گورنر سٹیٹ بینک آف پاکستان کی زیر صدارت مانیٹری پالیسی کمیٹی کا اجلاس میں جس میں شرح سود 11 فیصد برقرار رکھنے کا فیصلہ کیا گیا۔

پالیسی کمیٹی کے مطابق مئی 2025 میں مہنگائی کی سطح 3.5 فیصد بڑھی جبکہ بنیادی افراط زر معمولی کمی ہوئی۔

اسٹیٹ بینک نے مانیٹری پالیسی کمیٹی نے شرح سود میں کمی کی تفصیلات دیتے ہوئے کہا تھاکہ بجلی کی سرکاری قیمتوں میں کمی اور غذائی گرانی نے مہنگائی کی شرح تیزی سے کم کی ہے۔ مہنگائی کا منظر نامہ پچھلے تخمینوں کے مقابلے میں مزید بہتر ہوا ہے۔

اسٹیٹ بینک کے اعلامیے میں کہا گیا ہےکہ امید ہے کہ مہنگائی آگے چل کر آئندہ مالی سال کے دوران مستحکم ہوجائے گی۔

یاد رہے کہ اس سے قبل سٹیٹ بینک نے گزشتہ ماہ شرح سود میں 1 فیصد کمی کر کے شرح سود 12 فیصد سے 11 فیصد کر دی تھی، جو مارچ 2022 کے بعد سب سے کم شرح ہے۔