امریکی صدرکاظہرانہ،فیلڈمارشل عاصم  منیر وائٹ ہاؤس پہنچ گئے

فیلڈمارشل جنرل سید عاصم منیر امریکی صدر ڈونلڈٹرمپ کے ظہرانے میں شرکت کیلئے وائٹ ہاؤس پہنچ گئے۔

ذرائع کے مطابق فیلڈ مارشل جنرل عاصم منیر کی امریکی صدر ڈونلڈ ٹرمپ سے ظہرانے میں اہم ملاقات ہوگی۔ترجمان وائٹ ہاؤس کےمطابق ملاقات کا انعقاد کیبنٹ روم میں کیاگیاہے۔

پاکستان اور امریکا کے تعلقات میں انتہائی غیرمعمولی پیشرفت ہونے جا رہی ہے۔
ڈی جی آئی ایس آئی لیفٹیننٹ جنرل عاصم ملک،ڈی جی ملٹری آپریشن اور پاکستانی سفیر بھی ظہرانے میں شرکت کریں گے جب کہ امریکی صدر کے ساتھ ان کی کابینہ اراکین بھی ظہرانے کا حصہ ہوں گے۔

یاد رہےکہ امریکی صدر اور آرمی چیف فیلڈ مارشل عاصم منیر کی ملاقات ایسے وقت میں ہورہی ہے جب پاکستان نے ایران اور اسرائیل کے درمیان جاری تنازع میں کھل کر ایران کی حمایت کا اعلان کیاہے۔

واضح رہےکہ ڈونلڈ ٹرمپ کی جانب سے دوسری مدت کےلیے صدارت کا عہدہ سنبھالنے کےبعد ان کی کسی بھی پاکستان کی اعلیٰ ترین شخصیت سے یہ پہلی ملاقات ہوگی۔