سانحہ 9 مئی:  بانی پی ٹی آئی کی8 مقدمات میں ضمانتوں پر فیصلہ محفوظ

لاہور:لاہور ہائیکورٹ میں سانحہ 9 مئی کے واقعات سے متعلق درج 8 مقدمات میں بانی پی ٹی آئی کی ضمانت کی درخواستوں پر سماعت ہوئی۔

درخواستوں کی سماعت جسٹس شہباز رضوی کی سربراہی میں دو رکنی بینچ نے کی ،جہاں فریقین کے دلائل مکمل ہونے کے بعد عدالت نے کیس کا فیصلہ محفوظ کر لیا۔

یاد رہے کہ 9 مئی 2023 کو مختلف شہروں میں احتجاج اور جلاؤ گھیراؤ کے واقعات کے بعد بانی پی ٹی آئی کے خلاف کئی مقدمات درج کیے گئے تھے، جن میں سرکاری املاک کو نقصان پہنچانے، اشتعال انگیزی اور امن و امان کی صورتحال بگاڑنے جیسے الزامات شامل ہیں۔