امریکی ریاست پنسلوانیا میں فائرنگ سے 3 افراد ہلاک،متعدد زخمی

فلاڈیلفیا: امریکی ریاست پنسلوانیا کے شہر فلاڈیلفیا میں فائرنگ کا واقعہ پیش آیا جس کے نتیجے میں 3 افراد ہلاک اور دس زخمی ہوگئے۔

امریکی میڈیا کے مطابق پولیس کو رات تقریباً 1 بجے کے قریب گولیاں چلنے کی اطلاع ملی جب ایک گروپ گریس فیری کے علاقے میں جمع تھا۔

جس کے بعد فلاڈیلفیا پولیس کمشنر کیون بیتھل نے ایک پریس کانفرنس کے دوران بتایا کہ حکام جب موقع پر پہنچے تو 13 افراد زخمی پائے گئے، جن میں سے 12 کو گولیاں لگی تھیں۔

بیتھل کے مطابق فائرنگ سے زخمی ہونے والوں میں تین نابالغ بھی شامل ہیں، تاہم وہ ہلاک نہیں ہوئے۔

دوسری جانب پولیس نے فائرنگ کرنے والے ملزم کو گرفتار کرتے ہوئے واقعے کی مزید تحقیقات شروع کر دیں ہیں۔