ڈی جی آئی ایس پی آر کا یونیورسٹی آف آزاد جموںکشمیر کا دورہ، طلبا سے ملاقات

مظفر آباد: پاک فو ج کے شعبہ تعلقات عامہ (آئی ایس پی آر) کے سربراہ ڈائریکٹر جنرل لیفٹیننٹ جنرل احمد شریف چودھری ہلال امتیاز (ملٹری) نے یونیورسٹی آف آزاد جموں و کشمیر مظفر آباد کا دورہ کیا اور طلبا سے خصوصی ملاقات کی۔ 

اس دوران کشمیری طلبا نے اپنے روایتی انداز میں پاک فوج کے شعبہ تعلقات عامہ کے ڈائریکٹر جنرل کو خوش آمدید کہا۔

اس موقع پر ایک خصوصی سوال و جواب کی نشست بھی منعقد ہوئی، جس میں نوجوانوں نے قومی، دفاعی اور کشمیر سے متعلق اہم موضوعات پر سوالات کیے۔

طلبہ نے اس عزم کا اظہار کیا کہ "کشمیر پاکستان کی شہ رگ ہے اور ہم اسے ہر حال میں حاصل کر کے رہیں گے۔" ان کا کہنا تھا کہ پاکستان اور کشمیر کو کوئی جدا نہیں کر سکتا اور وہ وقت دور نہیں جب "کشمیر بنے گا پاکستان" کا خواب حقیقت میں بدل جائے گا۔

 اس موقع پر  طلبا نے بھارتی جارحیت کا منہ توڑ جواب دینے پر پاک فوج کو خراج تحسین پیش کیا۔