اسحاق ڈارشنگھائی تعاون تنظیم کے وزرائے خارجہ اجلاس میں شرکت کیلئے چین پہنچ گئے

بیجنگ:  نائب وزیراعظم و وزیرخارجہ اسحٰق ڈار چین کے سرکاری دورے پر بیجنگ پہنچ گئے۔

ترجمان دفتر خارجہ کی جانب سے جاری بیان کے مطابق وزیرخارجہ کل تیانجن میں شنگھائی تعاون تنظیم ( ایس سی او) وزرائے خارجہ اجلاس میں وفد کی قیادت کریں گے۔

 چینی وزارت خارجہ کی ایشیائی امور کی سربراہ یو ہونگ نے وزیرخارجہ اسحٰق ڈار کا ایئرپورٹ پر استقبال کیا، پاکستانی سفیر خلیل الرحمٰن ہاشمی اور چینی وزارت خارجہ کے حکام بھی ایئرپورٹ پر موجود تھے۔

دفتر خارجہ کا مزید کہنا ہے کہ اسحاق ڈارشنگھائی تعاون تنظیم کے وزرائے خارجہ اجلاس میں شرکت کیلئے چین پہنچ گئے۔

ترجمان دفتر خارجہ کے مطابق اسحاق ڈار کی ایس سی او ممالک کے وزرائے خارجہ سے دو طرفہ ملاقاتیں بھی شیڈول ہیں، جبکہ وہ شنگھائی تعاون تنظیم کے دیگر وزرائے خارجہ کے ہمراہ چینی صدر سے بھی ملاقات کریں گے۔