محکمہ ریلوے کا مزید 11 ٹرینیں پرائیوٹ کرنے کا فیصلہ

لاہور: پاکستان ریلویز نے مزید 11 ٹرینیں پرائیویٹ کرنے کا فیصلہ کیا ہے۔

ترجمان پاکستان ریلویز کے مطابق محکمہ ریلوے نے بہترسفری سہولیات اورریونیو میں اضافے کیلئے ٹرینیوں کو  پرائیویٹائزکرنے کا  فیصلہ کیا ہے۔

ریلوے حکام کے مطابق جن ٹرینوں کو پرائیویٹ کرنے کا فیصلہ کیا گیا ہےان میں ہزارہ ایکسپریس، بہاؤ الدین ذکریا، ملت ایکسپریس، راول، بدر، غوری، راوی اور تھل ایکسپریس شامل ہیں۔

اس کے علاوہ فیض احمد فیض، موہنجوداڑو مسافر ٹرینوں کو بھی آوٹ سورس کیا جائے گا۔

ریلوے حکام کے مطابق خواہشمند کمپنیوں سے 12 اگست تک بڈز طلب کر لی گئی ہیں۔