کیلیفورنیا: شیرف ڈپارٹمنٹ کے ٹریننگ سینٹر میں دھماکا، 3 اہلکار ہلاک

مونٹیری پارک (کیلیفورنیا): لاس اینجلس کاؤنٹی شیرف ڈپارٹمنٹ (LASD) کے ٹریننگ سینٹر میں ہونے والے دھماکے کے نتیجے میں کم از کم 3 اہلکار ہلاک ہو گئے۔

امریکی میڈیا کے مطابق، دھماکا جمعے کی صبح مقامی وقت کے مطابق 7:30 بجے پیش آیا۔ ابتدائی اطلاعات کے مطابق، دھماکا شیرف ڈپارٹمنٹ کے اسپیشل انفورسمنٹ یونٹ اور بم اسکواڈ کمپاؤنڈ میں کھڑی ایک گاڑی کے قریب ہوا۔

لاس اینجلس کاؤنٹی فائر ڈیپارٹمنٹ نے فوری طور پر ریسکیو آپریشن شروع کر دیا، تاہم حکام نے واقعے کے مزید نقصانات یا زخمیوں کی تفصیل فی الحال جاری نہیں کی۔

تحقیقات جاری
حکام کا کہنا ہے کہ دھماکے کی نوعیت اور وجوہات کا تعین کرنے کے لیے تحقیقات جاری ہیں۔