وزیرداخلہ محسن نقوی ایک روزہ سرکاری دورے پر افغانستان پہنچ گئے

کابل: وفاقی وزیرداخلہ محسن نقوی ایک روزہ سرکاری دورے پر افغانستان کے دارالحکومت کابل پہنچ گئے۔

وفاقی وزیر داخلہ محسن نقوی ایک روزہ سرکاری دورے پر کابل پہنچ گئے، محسن نقوی کے ہمراہ محمد صادق اور سیکریٹری داخلہ بھی ہیں۔

کابل انٹرنیشنل ایئرپورٹ پر افغانستان کے نائب وزیر داخلہ محمد نبی عمری نے وزیر داخلہ محسن نقوی کا استقبال کیا، جبکہ اس موقع پر فغانستان کی وزارت داخلہ کے اعلی حکام بھی تھے۔

وفاقی سیکرٹری داخلہ خرم آغا اور اعلی حکام ہمراہ ہیں، وفاقی وزیرداخلہ محسن نقوی اپنے افغان ہم منصب سراج الدین حقانی سے ملاقات کریں گے۔

وزیرداخلہ کی قیادت میں پاکستانی وفد کی افغان حکام سے ملاقاتیں متوقع ہیں، دونوں ممالک کے درمیان سیکیورٹی اور تعاون پر بات چیت ہوگی۔