وزیر اعلی مریم نواز کامنشیات فروشوں کے خلاف زیرو ٹالرنس کا حکم

لاہور: وزیر اعلی پنجاب مریم نواز نے منشیات فروشوں کے خلاف سخت کارروائی کرتے ہوئے زیرو ٹالرنس کا حکم دے دیا۔

تفصیلات کے مطابق پنجاب میں منشیات کی روک تھام کے لیے وزیر اعلیٰ پنجاب مریم نوازشریف کی قیادت میں تقریب منعقد ہوئی۔ 

تقریب کے دوران خطاب کرتے ہوئے مریم نواز شریف نے کہا کہ صوبےبھر سے منشیات کا جلد خاتمہ کر دیا جائے گا،منشیات فروشوں کے لیے پنجاب میں کوئی جگہ نہیں ہے، ان کا کہنا تھا کہ آنے والی نسلوں کے محفوظ مستقبل کے لیے منشیات کا خاتمہ ضروری ہے۔ 

تقریب سے خطاب میں وزیر اعلی کا مزید کہنا تھا کہ تعلیمی اداروں سمیت ہر جگہ سے منشیات کےخلاف سخت اقدامات کیے جائیں گے۔ ان کا کہنا تھا کہ قلیل عرصے میں ایک مؤثرمنشیات فورس کا قیام قابلِ تحسین ہے اور تمام ڈویژنز میں اس فورس کو بحال کیا جا رہا ہے۔

اپنے خطاب میں مریم نواز کا کہنا تھا کہ صوبے میں جرائم پر قابو پانے کے لیے کرائم کنٹرول ڈیپارنمنٹ ( سی سی ڈی) قائم کیا گیا، جس کے نتیجے میں جرائم میں واضح کمی ہوئی ہے۔