جنگلات کا تحفظ، پنجاب میں فارسٹ (ترمیمی) ایکٹ 2025 نافذ کر دیاگیا

لاہور: پنجاب حکومت نے جنگلات کے تحفظ کو مضبوط بنانے اور قدرتی وسائل کے پائیدار انتظام کو یقینی بنانے کے لیے فارسٹ (ترمیمی) ایکٹ 2025 نافذ کر دیا ہے۔

نئے قانون کے تحت غیر قانونی درختوں کی کٹائی، جنگلاتی اراضی پر تجاوزات اور ماحولیاتی جرائم کے خلاف سزاؤں میں نمایاں اضافہ کیا گیا ہے، جبکہ نگرانی، نفاذ اور شفافیت کے نظام کو مزید مؤثر بنایا گیا ہے۔

ترمیم شدہ ایکٹ میں جدید ٹیکنالوجی کے استعمال، عوامی و مقامی کمیونٹی کی شمولیت، اور وسیع پیمانے پر جنگلات کی بحالی اور توسیع پر خصوصی زور دیا گیا ہے۔

حکام کے مطابق یہ تاریخی اقدام ماحولیاتی تحفظ کو مضبوط کرے گا، موسمیاتی تبدیلیوں سے نمٹنے میں مدد دے گا، حیاتیاتی تنوع کا تحفظ یقینی بنائے گا اور آنے والی نسلوں کے لیے ایک سرسبز و محفوظ مستقبل کی بنیاد رکھے گا۔