Advertisement
علاقائی

وزیراعلیٰ سہیل آفریدی کو اشتہاری قرار دینے کی کارروائی شروع، نوٹس چسپاں

اگر ملزمان مقررہ وقت میں عدالت میں پیش نہ ہوئے تو ان کے خلاف قانون کے مطابق مزید کارروائی عمل میں لائی جائے گی،عدالت

GNN Web Desk
شائع شدہ ایک سال قبل پر دسمبر 18 2025، 2:35 شام
ویب ڈیسک کے ذریعے
وزیراعلیٰ سہیل آفریدی کو اشتہاری قرار دینے کی کارروائی شروع، نوٹس چسپاں

اسلام آباد:انسداد دہشت گردی عدالت (اے ٹی سی) اسلام آباد نے وزیراعلیٰ خیبرپختونخوا اور دیگر ملزمان کے خلاف اشتہاری کارروائی کا آغاز کر دیا ہے۔

تفصیلات کے مطابق انسداد دہشتگردی عدالت کے احکامات پر مختلف جگہوں پر نوٹسز چسپاں کردیے گئے، جوڈیشل کمپلیکس میں بھی مختلف مقامات پر طلبی کے نوٹسز لگائے گئے ہیں۔

سہیل آفریدی، مینا خان، امجد خان، شفیع اللہ جان اور امجد آفریدی کوعدالت میں پیش ہونےکی ہدایت کی گئی ہے۔

اے ٹی سی کے سیکشن 87 کے تحت جاری حکم نامے کے مطابق مختلف مقامات پر نوٹسز آویزاں کیے گئے ہیں۔

عدالت کی جانب سے ملزمان کو آخری موقع دیتے ہوئے فوری طور پر پیش ہونے کی ہدایت کی گئی ہے۔نوٹسز میں کہا گیا ہے کہ ملزمان عدالتی احکامات کی تعمیل نہیں کر رہے یا روپوش ہیں۔

عدالت نے واضح کیا ہے کہ اگر ملزمان مقررہ وقت میں عدالت میں پیش نہ ہوئے تو ان کے خلاف قانون کے مطابق مزید کارروائی عمل میں لائی جائے گی۔

Advertisement
رجحانات
Advertisement