معروف قوال شیر میاندادکا میلبورن کے فیڈریشن اسکوائر پر تاریخی قوالی نائٹ شو

میلبورن: عالمی شہرت یافتہ قوال شیر میاندادنے آسٹریلیا کے شہر میلبورن کے تاریخی فیڈریشن اسکوائر پر شاندار قوالی شو میں پرفارم کیا جس سے عوام جھوم اٹھے۔

تفصیلات کے مطابق شیر میانداد قوال نے آسٹریلوی حکومت کی دعوت پر تاریخی مقام فیڈریشن اسکوائر پر پرفارم کیا۔اسی مقام پر مائیکل جیکسن سمیت دنیا کے نامور گلوکار پرفارمنس دے چکے ہیں،شیر میانداد کی ایک ایک پرفارمنس پر حاضرین داد دئیے بغیر نہ رہ سکے۔ 

اس شاندار صوفی فیسٹیول کے روح رواں عمر فیاض نے کامیاب شو پر آسٹریلوی اور پاکستان کمیونٹی کا شکریہ ادا کیا اور شیر میانداد کو مبارکباد دی۔

اس موقع پر شیر میانداد نے گفتگو کرتے ہوئے کہا کہ مجھے نہیں معلوم تھا کہ آسڑیلیا میں بھی قوالی کے دلدادہ موجود ہیں،ان کا کہنا تھا کہ فیڈریشن اسکوائر پر پرفارم کرنا میرے لئے کسی اعزاز سے کم نہیں۔

اپنی گفتگومیں انہوں نے مزید کہا کہ اس شاندار قوالی شو کا سہرا صوفی فیسٹیول کے عمر فیاض کے سر جاتا ہے جن کی محنت اور کاوشوں سے یہ تاریخی شو کامیاب ہوا۔