وزیراعظم شہباز شریف سے پاکستان میں یورپی یونین کی سفیر کی الوداعی ملاقات

پاکستان میں یورپی یونین کی سفیر نے وزیراعظم شہباز شریف سے الوداعی ملاقات کی، جس میں پاکستان اور یورپی یونین کے درمیان ملکی سیاسی پیش رفت اور دیگر اہم امور پر تبادلہ خیال کیا گیا۔

وزیراعظم نے پاکستان اور یورپی یونین کے تعلقات کو مضبوط بنانے میں سفیر کے کردار کو سراہا اور خاص طور پر 2022 کے سیلاب کے دوران یورپی یونین کی جانب سے فراہم کردہ امداد کے لیے ان کی کوششوں کا شکریہ ادا کیا۔

وزیراعظم نے یورپی یونین کو پاکستان کے سب سے بڑے تجارتی شراکت داروں میں سے ایک قرار دیتے ہوئے جی ایس پی پلس اسکیم کے لیے حکومت کے عزم کا اعادہ کیا۔

یورپی یونین کی سفیر نے پاکستان میں قیام کے دوران وزیراعظم کی جانب سے ملنے والے بھرپور تعاون کا شکریہ ادا کیا۔