Advertisement

روس یوکرین جنگ: صدر پیوٹن سے جمعہ کو الاسکا میں ملاقات ہوگی، ٹرمپ

روسی ترجمان نے اس کی تصدیق کرتے ہوئے کہاہےکہ دونوں ممالک اس اجلاس کو یوکرین بحران کے خاتمے کی طرف امید کی کرن سمجھتے ہیں

GNN Web Desk
شائع شدہ ایک سال قبل پر اگست 9 2025، 10:27 صبح
ویب ڈیسک کے ذریعے
روس یوکرین جنگ: صدر پیوٹن سے جمعہ کو الاسکا میں ملاقات ہوگی، ٹرمپ

واشنگٹن ڈی سی: امریکی صدر ڈونلڈ ٹرمپ کا کہنا ہے کہ ان کی روسی صدر پیوٹن سےجمعہ 15 اگست کو امریکی ریاست الاسکا میں اہم ملاقات ہو گی جس میں روس یوکرین جنگ بندی کے حوالے سے تبادلہ خیال کیا جائے گا۔

تفصیلات کے مطابق اپنے سوشل میڈیا پر جاری بیان میں امریکی صدر ڈونلڈ ٹرمپ نے کہا ہے کہ آذربائیجان اورآرمینیا کے درمیان کامیاب امن معاہدے کے بعد اب دنیا روس اور یوکرین کے مابین بھی جنگ کے خاتمے کی امید رکھتی ہےاورہم اس کیلئے سنجیدہ کوشش کررہے ہیں۔

اپنے بیان میں ان کا کہنا تھا کہ یہ ملاقات یوکرین تنازع کے دیرپا اور پائیدارحل کے حوالے سے فیصلہ کن کردار ادا کرے گی۔

میڈیا سے گفتگو کرتے ہوئےصدر ٹرمپ نے کہا کہ یہ علاقے ساڑھے تین سال سے جنگ کا مرکز ہیں،جس میںابتک ہزاروں روسی اور یوکرینی مارے جا چکے ہیں، اور ممکن ہے کہ کچھ علاقے واپس لیے جائیں اور کچھ کا تبادلہ ہو تاکہ دونوں ممالک کو فائدہ ہو۔

دوسری جانب کریملن ترجمان نے اس کی تصدیق کرتے ہوئے کہاہے کہ الاسکا کا انتخاب منطقی ہے کیونکہ یہ جغرافیائی طور پر روس کے قریب ہے۔

روسی ترجمان نے مزید بتایا کہ ٹرمپ کو روس میں دوسرے اجلاس کے لیے بھی مدعو کیا گیا ہے،ان کا مزید کہنا تھا کہ دونوں ممالک اس اجلاس کو یوکرین بحران کے خاتمے کی طرف امید کی کرن سمجھتے ہیں۔

بین الاقوامی برادری کی نظریں اب الاسکا پرمرکوز ہیں جہاں ممکنہ طورپرتاریخ کے ایک اوراہم امن عمل کی بنیاد رکھی جا سکتی ہے۔

Advertisement
رجحانات
Advertisement