ایک دن کے اضافے کے بعد سونا پھر ہزاروں روپے سستا، فی تولہ کتنے کا ہو گیا؟

کراچی: عالمی و مقامی مارکیٹوں میں ایک دن کے اضافے کے بعد سونے کی قیمتوںمیں ایک بار پھرنمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میں سونے کے نرخ میں 2300 روپے کی کمی ہونے سے نئی فی تولہ قیمت 4 لاکھ 42 ہزار 162 روپے ہو گئی ہے۔

ایسوسی ایشن کے مطابق اسی طر ح دس گرام سونا 1972روپے سستا ہونے سے نئے نرخ 3 لاکھ 79 ہزار 82 روپے ہو گئے ہیں۔

دوسری جانب عالمی بلین مارکیٹ میں سونے کے نرخ میں 23 ڈالر کمی ہونے سے فی اونس سونا 4198 ڈالر کی سطح پر آ گیا۔

خیال رہے کہ گزشتہ روز سونے کی فی تولہ قیمت میں 3000 ہزار روپے اور 10 تولہ سونے کی قیمت میں 2572 روپے کا اضافہ ہوا تھا۔