کوئٹہ اور تربت کے عوام کے لیے خوشخبری، صوبائی حکومت 21  نئی بسیں چلانے کا فیصلہ

کوئٹہ اور تربت کے عوام کے لیے خوشخبری، بلوچستان حکومت کا شہریوں کے لیے 21 نئی بسیں چلانے کا فیصلہ کیا گیا۔

اس حوالے سے صوبائی سیکرٹری ٹرانسپورٹ محمد حیات کاکڑ کے مطابق 17 نئی بسیں کوئٹہ اور 4 تربت میں چلیں گی اور کوئٹہ میں خواتین کیلئے 5 پنک بسیں چلائی جائیں گی۔

محمد حیات کاکڑ کے مطابق عوام کو معیاری اور باوقار سفری سہولیات فراہم کرنے کے لیے کوئٹہ میں 12 گرین بسیں مختلف روٹس پر بھی چلائی جائیں گی۔

سیکرٹری ٹرانسپورٹ کا مزید کہنا ہے کہ اس منصوبے سے نہ صرف شہریوں کو آرام دہ، محفوظ اور باوقار سفر کی سہولت ملے گی بلکہ روزگار کے مواقع بھی پیدا ہوں گے۔