پنجاب حکومت کا 4 جامعات میں مستقل وائس چانسلر ز تعینات کرنے کا فیصلہ 

لاہور: پنجاب حکومت نے چار سرکاری جامعات میں مستقل وائس چانسلرز کی تعیناتی کا فیصلہ کرتے ہوئے امیدواروں سے درخواستیں طلب کر لی ہیں۔ 

تفصیلات کے مطابق پنجاب  حکومت نے یونیورسٹی آف چکوال، ویمن یونیورسٹی ملتان،راولپنڈی ویمن یونیورسٹی اور نواز شریف یونیورسٹی آف انجینئرنگ اینڈ ٹیکنالوجی ملتان میں مستقل وائس چانسلرز کی بھرتی کے لیے اشتہار جاری کر دیا ہے۔ 

اہل امیدواروں کو ہدایت دی گئی ہے کہ وہ اپنی درخواستیں 12 ستمبر تک جمع کروائیں۔ 

اس حوالے سے محکمہ ایجوکیشن پنجاب نے کہا کہ وائس چانسلرز کی تقرری میرٹ پر کی جائے گی تا کہ جامعات میں تعلیمی معیار کو بہتر بنایا جا سکے۔